天丼 (已搬遷) 新店位置

突然想食炸蝦天婦羅，唸起呢間主打炸蝦天婦羅嘅餐廳。兩個人，簡簡單單，一個丼，一個麵。淺草海老天丼 $78丼有3件炸蝦，好大隻，鋪滿成隻碗，好有誠意。炸蝦天婦羅外面酥而透明、裡面鲜嫩多汁，正！食完唔覺油膩。珍珠米都唔錯，粒粒飽滿，有飯香味。炸蝦天蕎麥麵（冷）$82又係3件炸蝦！蕎麥冷麵，配豉油汁，味道清新。值得注意：餐廳用餐時間只有45分鐘，不過佢哋上菜都快，密密食都趕得切。我哋當日客人唔多，食咗50分鐘，超少少。