天丼てんや

营业中

休息中

天丼唔系第一次食，但次次都系食丼饭，今晚一个人晚餐又冻冻地，就去试埋天妇罗乌冬啦。平日晚餐时段一定排长龙，今晚6点到达好彩有位唔洗等。 天妇罗乌冬（汤面） $86 定食有6款，有冷面、汤面及丼饭，今晚天气冻冻地就拣左汤乌冬，汤底可拣酱油汤或豚骨白汤汤，定食既天妇罗包括黑虎虾2只、蟹柳、茄子、莲藕及四季豆。 豚骨汤底够哂热，一路食一路暖笠笠，味道未算太浓味精，未觉太口渴，乌冬份量都好足，条条滑嘟嘟，食晒成碗都几饱。 天妇罗炸粉唔算厚，薄薄地几脆，黑虎虾啖啖肉，食完2条好满足，莲藕够爽口，茄子有少许油腻感，沾上附上的天妇罗酱汁更美味，嫌唔够味仲可以自行加埋七味粉添。