竹 (已結業)

真系好食到连续两日都要黎食天妇罗，最初以为啲 item 日日都差不多，点知惊喜一浪接一浪。食咗咁多年日本菜，都系第一次食炸完再炭烧嘅天妇罗蟹脚，个北海道甘笋丝甜到好似炸番薯咁，寻日只千叶县炸蚝已经好食到震，点知今日只岩手县生蚝更加肥美味浓，师傅今日又整咗另一个 special rice，系松茸海胆饭再加只流心天妇罗蛋黄，好感动。最开心系见到师傅全程都带住灿烂嘅笑容、纯熟嘅手艺、专注嘅眼神，好 enjoy 好投入咁去炮制每一道菜。佢用筷子夹住油镬中炸好的天妇罗，再使劲地 fing 几下，将多余嘅油份 fing 走，呢下真系型到爆，好想听日再黎呀！