銓滿記餐廳小廚 (已結業)

听讲朗豪坊附近有间好好食既煲仔饭，仲好食过庙街煲仔饭，适逢天气冻冰冰，最岩就系呢种日子试下呢间讲得咁西利既煲仔饭。呢间餐厅系朗豪坊后两条街左右，我地去个时大概系七点几左右，去到个时咁岩有位唔使等，但我地入左去无耐出面已经开始排晒队啦，我地真系好好彩。我地两个最后都系拣左自选配料既煲仔饭，如果有选择困难症的话，都可以拣佢提供既款式。鲜滑牛＋腊肠煲仔饭($74)肉饼＋鸡件煲仔饭($74)煲仔饭最出色系佢个饭焦，差唔多成半个饭都系饭焦，超美味。配料同饭都好多，最出色系个鲜滑牛，必点。自己其实就未试过庙街既煲仔饭既，不过呢间煲仔饭真系名不虚传，成煲饭比我地清光光的。另外，呢间煲仔饭仲会有菜同埋老火汤送，冻热饮就另外叫半价。老火汤超够火喉，超级足料，反而最深印象系呢个。除左煲仔饭之外，呢间餐厅仲有小菜可以叫，但系因为我地既目标好清晰就系煲仔饭，所以就无再另外试啦。基本上店员态度系OK既，不过可能真系太多人既关系，店员出口暗示我地食完就走，系有D感觉唔好，不过生意难做，明既。