豚道樂 (大河道) (已結業)

今年既冬天真系时冷时热，冻起上黎真系几攞命，今日本身有D冻，加上落住微微雨，刚好又碰巧晚饭时间，就打算入黎避下雨食个饭啦。呢到落单既形式同一般拉面店无咩分别，都系一人一张点心纸咁，钟意划咩就划咩。一个拉面由最平既$72 到到最贵既$98 不等，再另加配料同饮品。饮品我地叫左一支山梨桃梳打同埋赤富士提子梳打。山梨桃梳打: 入口既白桃味非常清甜，加埋少少梳打汽泡，每食几住拉面时饮返几淡，感觉真系好正。赤富士提子梳打: 提子梳打味道酸酸甜甜，冻凉解喝，值得一赞。特上原味猪骨拉面: 餐牌上有特上版同埋原味版既猪骨拉面，问过职员，原来特上版同普通版既分别系在于佢是有齐猪肩肉同猪腩肉，另加半只日本溏心蛋及紫菜。猪骨拉面汤底浓郁度甚高，有浓香既猪肉味，黏黏地但又唔会过腻。特上辛辣味噌拉面: 个汤底系混合信州白味噌同赤味噌而整成，辣度有分普通同激辛，今日我试既系普通辣，辣味稍为轻，更加无盖过猪骨汤既鲜香味，肉方面就十分之薄同嫩滑，入口即化。配料: 木耳比较爽，而溏心蛋就系又甜又滑。饺子5只: 饺子以煎的方式煮，饺子皮煎到金黄色，外脆内软，肉馅虽然唔太多，都系普通猪肉加菜馅，但系肉汁够丰富，都几好食。