竹園重慶雞煲

营业中

休息中

book咗枱唔驶等位，贪佢就脚加埋大排档队啤豪饮嘅感觉。霸皇鸡煲好惹味，特别钟意佢开头慢慢煮得干干哋身，跟住淋个辣汤落去𠮶吓，大家抢住食。放冰豆腐落去，索哂啲麻辣汁，真系正到晕。有朋友唔系好食得辣，所以点咗微辣，反而因为唔太辣，个鸡味好出。今次人多，叫多个胡椒猪肚羊腩鸡煲，个胡椒味好浓（最怕啲铺头整到啲胡椒猪肚汤劲轻手，冇胡椒味），呢个汤一饮落去，个身滚咗，都未落其他料就劲饮个汤，鸡好滑，猪肚都爽口。除咗鸡煲，我啲朋友不停追加小食，特别系个醉猪手，啲酒落得好重手，酒味够浓之余仲有桂花香味，同出面食嘅醉乜醉物个味好唔同。鸭舌都正，又可以双拼，有柄嘅鸭舌唔系周围有得食，卤水同麻辣都正，同埋份量都几多，抵食。 最衰今次啲朋友唔多钟意食羊，下次要试埋麻辣枝竹羊腩。