小辣川

营业中

休息中

约咗朋友聚一聚，天气转冷，点都要食火锅啦。今日好彩早啲嚟，食食下越坐越多客，好热闹。朋友介绍柴湾渔湾街市熟食中心嘅《小辣川》有鸡煲食，仲可以拣烤鱼或牛杂，任饮任食火锅都只是$198/位，不设加一服务费。川味重庆鸡煲~采用生鸡即炒即出即上菜，等到滚起然后店员帮忙炒起捞匀，川辣味道非常入味，够香够辣够惹味，每份有半只鸡，鸡煲可以无限添加，越食越滋味，我哋加多一份先开始打边炉。自助区有各类新鲜蔬菜，包括茼蒿、皇帝菜、西洋菜、莴笋、芫茜、油麦菜、生菜等等，仲有豆腐、云耳、支竹、豆腐......自助区还有虾、蟹、鱿鱼仔、大蚬，当然唔少得肥牛及各式丸类。饮品柜除了一些常见汽水及饮品外，好开心见到几款啤酒，大家一于啤一啤，正！酱料区都应有尽有，也可加只鲜鸡蛋。好欣赏店员友善嘅招待。