誠拉麵 (已結業)

天气愈来愈冻，冻到唔多想郁，但又要出去食晏。唯有同同事以龟速行去最近嘅food court，食碗热拉面。好多拉面店，但呢间新开个零月又从未食过，所以拣左。我要左味噌汤底拉面（特），好大碗，有紫菜三块、玉子一只，加三大块叉烧。然后追加小食煎饺子。同事就食白豚汤拉面（正），份量少D，但都有齐紫菜、叉烧同玉子，追加明太子鸡翼。大家夹起面一睇，原来面底都唔同嘅。我𠮶碗系有加碱水嘅曲拉面，不过全全无碱水味。同事𠮶碗就系直拉面，本身无加碱水。两款面都够软熟。而小食饺子皮薄馅多，啖啖好食。明太子鸡翼亦啖啖肉同明太子，又香又辣，钟意浓味嘅人会好钟意。一边食，仲可以一边睇火炙叉烧表演。