巴打火鍋館 (裝修中)

再黎，打边炉。今次系朋友话正，先黎一黎。(巴打招牌锅 $198，本地新鲜手切牛$168，3秒脆响铃(6件)$42，自家手打墨鱼滑$78，花雕醉鸡件$68，菜心苗$32 )呢个巴打招牌锅火锅汤底几多料有扇贝,猪手,粉肠,猪肚等等。个汤叫做鲜甜既，直接饮左几碗，都无话好口渴。至于个本地新鲜手切牛，牛味几浓既，但系少少嚡同韧。脆响铃，呢个系必点试既东东，响铃上枱都热身既。而且浸系汤度3秒，仲系卜卜脆，超好食。又唔会好油益味。自家手打墨鱼滑，花雕醉鸡件同菜心苗，好普通，唔值得品评。食物质素上系唔错既，但价钱有少许偏贵。不过我真系都几钟意个汤底。