集眾菜館

营业中

休息中

天气冻就好自然会挂住羊腩煲，所以book枱嘅时候已经book定，因为呢一间食店基本上唔book位系好难有位，间中都见到啲Walk in嘅客人喺度嘈喧巴闭话冇位，好似人哋老奉有位俾佢哋够，见啲店员仲要好有礼貌去回应，真系觉得佢哋惨惨猪。呢间嘅羊腩煲$498 ，唔使加一，送一碟菜，有一斤半新鲜羊腩，真系抵食，出面好多地方收紧五百几蚊嘅羊腩煲都系雪藏羊腩。羊腩煲入面除咗羊腩之外仲有冬笋、冬菇同支竹，啲枝竹吸晒啲羊肉味，超正，白饭都可以每人食到两三碗冬天食完。食完成个人暖晒，真系寒冷天气一定要食羊腩煲。