彩興來來火鍋 (已結業)

天气又转冻，又系时候去打边炉。彩兴来来火锅位于 帝景湾 商场里面虽然地方唔算好方便，但系一样座无虚设，正所谓有麝自然香。餐厅地方唔大，但系有好多卡位，坐得比较舒服，而且唔会烟雾濔漫。火锅汤底选择好多，有招牌家乡鸭煲，鲜鲩鱼煲，黄金鸡汤等等。最后我哋拣咗一个清清地嘅鱼汤，唔想太热气。打边炉除咗个汤底，酱料都好重要。呢度嘅酱料有好多选择，九宫格一样，可以俾你因应自己嘅口味混酱。鲩鱼放左入镬炒左几炒后，再加入鱼汤同紫苏叶煲左一阵，一滚就可以捞D鱼上嚟食同埋饮汤。鱼汤非常鲜味，好甜，有紫苏叶嘅香味，唔会感觉到腥，鲩鱼煮得啱啱好，好滑。黑松露饺好大粒，好足料，入面有黑松露，虾肉，猪肉，冬菇，有多重口感，非常好味。四色手打丸好弹牙，可以食到唔同既味道，唔洗咁斋。以呢个价钱来讲有咁多粒，非常之抵食。芋头件炸过之后，一煮就变得好粉，再点一点酱料就非常入味，好食到晕。稻庭乌冬好Q，配埋肥牛一齐食，非常之正，今餐真系食得非常之饱。