影片
更多
2019-12-18
185 浏览
天气开始冻 个人就想食热辣辣嘅嘢呢个天气打边炉就真系一流朋友话想食粥底边炉于是就去左呢间听闻几抵食既中餐厅我哋两个人都叫咗龙虾餐（每位$288再加一）一开始就会有人送上开胃凉菜，之后就会嚟一盅炖汤。当日既汤系炖鸡汤来既，好鲜甜同埋足料。个餐包左既海鲜有（半只）龙虾、鲍鱼、圣子、多宝鱼、黄金蚬、海虾及带子。另外有安格斯牛肩肉，同埋可以再额外拣8款火锅配料。火锅配料我哋拣咗日本黑豚肉、美国肥牛、巨根蟹柳、娃娃菜、蜂巢豆腐、响铃、花胶，以及自家制虾滑。除咗海鲜之外，啲肉嘅份量都俾几多，抵食！重点系啲牛肉质素高，除咗牛肩肉之外，我哋重点左一盘肥牛，同样都系好新鲜，好香牛味，仲有阵新鲜肉先有既甜味。另外海鲜都好新鲜呢，特别系龙虾、鲍鱼、蛏子同埋带子。我就劲钟意食个鲍鱼，上碟时仲郁紧架！摆入锅4分钟就食得，爽滑得来唔会韧😋平时食豉椒炒圣子就食得多，白烚真系好少，但咁先食到个鲜味，食材新鲜，就咁点少少豉油已经好正。8款自选嘢入面，我觉得最抵嘅就系可以拣花胶！平时自己出去买都唔平㗎，个份量仲要俾左几多下！佢哋本身已经帮客人整熟左，只需要放落锅几十秒就食得架啦😋个虾滑都好正，爽滑弹牙，值得推荐！食到咁上
呢个天气打边炉就真系一流
朋友话想食粥底边炉
于是就去左呢间听闻几抵食既中餐厅
我哋两个人都叫咗龙虾餐（每位$288再加一）
一开始就会有人送上开胃凉菜，之后就会嚟一盅炖汤。当日既汤系炖鸡汤来既，好鲜甜同埋足料。
个餐包左既海鲜有（半只）龙虾、鲍鱼、圣子、多宝鱼、黄金蚬、海虾及带子。
另外有安格斯牛肩肉，同埋可以再额外拣8款火锅配料。火锅配料我哋拣咗日本黑豚肉、美国肥牛、巨根蟹柳、娃娃菜、蜂巢豆腐、响铃、花胶，以及自家制虾滑。
除咗海鲜之外，啲肉嘅份量都俾几多，抵食！
重点系啲牛肉质素高，除咗牛肩肉之外，我哋重点左一盘肥牛，同样都系好新鲜，好香牛味，仲有阵新鲜肉先有既甜味。
另外海鲜都好新鲜呢，特别系龙虾、鲍鱼、蛏子同埋带子。
我就劲钟意食个鲍鱼，上碟时仲郁紧架！
摆入锅4分钟就食得，爽滑得来唔会韧😋
平时食豉椒炒圣子就食得多，白烚真系好少，但咁先食到个鲜味，食材新鲜，就咁点少少豉油已经好正。
8款自选嘢入面，我觉得最抵嘅就系可以拣花胶！平时自己出去买都唔平㗎，个份量仲要俾左几多下！佢哋本身已经帮客人整熟左，只需要放落锅几十秒就食得架啦😋
个虾滑都好正，爽滑弹牙，值得推荐！
食到咁上下，都已经好饱啦，因为真系好足料～但个粥底先系精华！所以死都要食埋个粥底🤤唔使再加啲咩，已经好鲜甜，个粥又绵，好好味啊😋
张贴
