川川辣辣

营业中

休息中

喺T Town商场，如果食厌咗寿司郎，不妨试吓满满辣意嘅川菜。店铺虽然唔大，但都坐得十分舒适。如果系洪嘉豪或张天赋嘅fans，应该更加享受，因为店铺里面整晚嘅music list，就系佢哋两个嘅歌。而我哋今晚食嘅菜单就有：酸菜鱼、川辣辣子鸡、手撕包菜、生炒牛肉饭、皇牌流心奶黄西多士并鸡髀、再加多杯红豆冰。酸菜鱼(例)一个例牌酸菜鱼的份量足够2-3人享用。虽然拣了小辣汤底，但都充满着四川麻椒和酸菜味，味道温和、油而不腻。爽滑兼没有骨的鱼肉吸收了浓汤的精华，加上大量配料及薯粉垫底增加口感，十分醒神开胃。川辣辣子鸡辣子鸡作为川菜嘅佐酒名菜，鸡肉配上辣椒、花椒的麻辣味道，口感爽辣鲜咸，用嚟送酒简直一流。手撕包菜小辣的手撕包菜，除咗菜很清甜外，花椒亦带了一个麻的口感。生炒牛肉饭份量足够3人享用，饭粒够干身，啖啖都充满着牛肉、蛋同葱花嘅香味，再加上前面几道𩠌，可以话系食到停唔到口。皇牌流心奶黄西多士并鸡髀与平时下午茶食嘅西多士，最大分别系呢个西多嘅馅系流心奶黄，同埋晚市都可以食，再加埋大大只炸鸡髀，十分抵食。