家樂軒小廚

营业中

休息中

天恒之前有间打冷，好似执咗，上年已经去过呢间，佢系好似室内茶餐厅咁，但系又可以食到打冷嘅嘢食。有酒饮架！细佬好鬼钟意呢间，有时出开元朗，都话要返天水围去天恒食呢间琴晚父亲节一家五口去，呢间冇得book定位，细佬5点几去拎定位，我哋就6点半去到，去到已经全场满座好旺场始终佢抵食，每个小菜都跟饭同饮品，我地人均消费可以平过HK$100上次嚟过，对猪红有特别深刻嘅记忆，因为几十蚊大大碗，又有韭菜，而且软林林，好入味。海鲜系必不可少！呢度嘅豉椒蛏子都唔错，都好入味、新鲜，不过我嫌佢唔够长。老豆整伤左，唔识得海鲜同牛，我哋一齐带咗个啫啫鸡煲，唔辣嘅，好香仲有大大件猪膶，滑溜溜点都要叫过菜嘅，腐乳通菜唔跟饭，啫啫通菜跟个饭，好少叫依个炒法，有好多虾干做伴菜，咸香味出！我觉得比上次咁，色香味俱全！跟餐有嘢饮就叫咗两杯冻柠茶，一杯可乐冰底。呢间仲有酒饮，通宵营业，极近天恒轻铁站。