天鳥居酒屋

营业中

休息中

两个人喺天水围想食日本嘢，上OpenRice见到依间天鸟好似唔错，就过嚟试一试。一睇餐牌发现真系好多嘢食好多选择，都谂咗好耐先决定到食乜嘢，侍应话有啲寿司刺身当做，所以就带咗嚟试吓。针鱼寿司，赤鯥寿司，依两款系侍应话当做嘅鱼，系佢推介之下我哋就试咗，咁真系几新鲜食落几特别，同平时食开嘅吞拿鱼呀三文鱼呀𠮶啲都好唔一样，下次都可以问吓有咩当做然后叫黎食。吉列猪扒咖喱挂手打乌冬配温泉蛋，块吉列猪扒真系啱啱新鲜炸起，好脆好热，加埋个咖喱真系好香，捞埋温泉蛋一齐食，真系好正。个乌冬好弹牙，全部野捞埋一齐真系好正。海胆吞拿鱼七色丼，上面有好多唔同嘅刺身，海胆系主角，好鲜好好食，又有三文鱼又有吞拿鱼仲有带子，成件事好新鲜感觉好好，下面寿司饭仲加咗少少味素，食起上嚟唔会咁单调，成个饭唔落豉油唔落Wasabi，都好好食。下次嚟到天水围想食日本嘢我都会再嚟呢间。