Flat Mountain Cafe

营业中

休息中

位于天水围西铁站附近嘅Cafe，步行大约三分钟就到，位置真系好方便🤩。餐厅设计得相当舒适，特别系有露天位，今天天气凉凉地，坐喺外面感觉好放松，可以享受一下大自然嘅气息😆。点咗个大啡菇既All day breakfast，入面有牛角包、牛油果、薯饼同埋蕃茄豆，呢啲都系传统嘅配搭😎。大啡菇真系好Juicy，炒蛋口感滑溜。牛角包松软，搭配埋牛油果🥑都好新鲜，薯饼够哂脆，整体份量十足，真系好满足☀️。再叫咗个软壳蟹烟肉汉堡，汉堡里面嘅软壳蟹炸得金黄酥脆，烟肉嘅香味亦令整个汉堡更加丰富，口感层次分明。而且，配上番薯条，感觉系健康啲嘅选择🤭！特别要赞一下餐厅嘅咖啡☕️✨。一杯系Baileys咖啡，另一杯系Oreo咖啡。Baileys咖啡带有酒香，口感滑顺，非常适合喜欢浓郁口味嘅朋友。而Oreo咖啡就更加特别，入面有雪糕，溶化后同咖啡混合，甜中又带有咖啡嘅香味，啱晒唔想饮太苦咖啡嘅朋友仔👍🏻。