天鳥居酒屋

营业中

休息中

天水围都有日本嘢食，仲要质素好唔错。呢间系用qr code落单，我觉得几好，减少接触又可以慢慢谂食咩。我地坐卡位好阔落。一坐低就留意到有个季节限定餐牌，即刻决定order北海道海胆寿司，海胆鲜甜，一啖食落口好满足。另外都叫左小小寿司：芝士蟹子寿司、火灸三文鱼寿司、火炙车海老沙律寿司。最中意系车海老，好鲜味又香口。双重芝士大虾反卷：浓味之选，唔使点豉油都够味。串烧免治鸡肉：鸡肉混入脆脆嘅鸡软骨，口感几好，点埋蛋黄同甜甜咸咸酱汁就更正。樱花虾海鲜炒饭：超级澎湃嘅樱花虾，铺左半碟饭面。饭炒得干身，配料有三文鱼同虾仁，加小小辣油好惹味。