天鳥居酒屋

营业中

休息中

第一次食天鸟居酒屋，经过附近就同屋企人去食。睇餐牌见到有个好特别的寿司长推介-竹签鱼，除左呢个，我们二个人仲点了拖罗三色丼，八件寿司盛合连一个迷你牛肉乌冬定食。推荐嘅竹签鱼，第一次听好有趣，未试过就试吓，食落肉质好爽口，好结实，感觉非常鲜，佢层皮我以为会好腥，点知出奇地一啲腥都冇，仲系好香有种烟熏味，皮应该有稍稍烧过。拖罗三色丼，用量比得好足，有满满拖罗蓉，仲有带子同三文鱼子，真系好新鲜，啲鱼子粒粒都好大粒，一咬落去好多汁，好满足，拖罗蓉俾得好厚，我觉得呢碗饭可以两个人分享，再叫啲小食就好饱。八件寿司定食，包括左汤，前菜，小食，主食同甜品。面豉汤唔会太咸亦都唔太淡，味道啱啱好。前菜方面系樱花虾沙律菜，小食系辣螺，螺好弹牙，过下口瘾都好开心。嚟到主食有三文鱼腩，刺身虾，带子，生芥末八爪鱼等等，全部都好鲜甜，系好嘅鱼生，每旧鱼生都好厚肉，啖啖肉好正。另外仲拣咗个迷你牛肉乌冬，仲有另外一款蟹柳乌冬㗎，值得一赞系乌冬好弹牙，真系手工乌冬，比既牛肉份量都够食。甜品方面，当日送咗抹茶蕨饼。