影片
更多
2018-01-27
678 浏览
圣诞日下昼突然有人话想出街食晚饭，要求系唔好太贵。。。谂紧：哗咩日子仲要无book枱，仲要食西餐但要唔贵，难度都几高噃，好彩最后都揾到呢间西餐厅！ 下昼二点几打去，问晚餐价钱，圣诞日一个2人餐竟然唔驶$400有一个2人餐，咁就紧系即刻book，我地订六位，职员好好咁话因为得张六人枱，如果七点前到都可以，我地本身都无节目所以都无问题。夜晚去到，点左3个圣诞二人餐，每个餐有沙律或汤2客、小食一款、大虾意粉或意大利饭一款、烧鸡或德国猪手一款及甜品和餐饮。其实真系好抵食！讲下食物质素，食物质素系几好架，大虾意粉几好食，味道啱啱好，薯条有几款酱比你㨂，包括茄汁、蜜糖芥末同黑松露酱。烧鸡系原只上，啲肉好嫩，伴个酱系蜜糖沟黑醋，好惹味！ 最后仲有甜品，本来想㨂cheese cake，但佢已经卖晒，得番朱古力云石蛋糕，个云石蛋糕都几好味噃，唔会太甜。野饮方面我加左钱要花茶，花茶系一壶上有蜡烛保持住温度，如果平日tea time黎食野饮呢个花茶，感觉都几写意！虽然间餐厅唔大，座位唔算宽阔，不过食物质素好得黎价钱又亲民，呢啲小本经营嘅小店真心会再黎支持！ p.s. 其实间餐厅圣诞当日唔系只做圣诞餐，散叫m
夜晚去到，点左3个圣诞二人餐，每个餐有沙律或汤2客、小食一款、大虾意粉或意大利饭一款、烧鸡或德国猪手一款及甜品和餐饮。其实真系好抵食！
讲下食物质素，食物质素系几好架，大虾意粉几好食，味道啱啱好，薯条有几款酱比你㨂，包括茄汁、蜜糖芥末同黑松露酱。烧鸡系原只上，啲肉好嫩，伴个酱系蜜糖沟黑醋，好惹味！ 最后仲有甜品，本来想㨂cheese cake，但佢已经卖晒，得番朱古力云石蛋糕，个云石蛋糕都几好味噃，唔会太甜。野饮方面我加左钱要花茶，花茶系一壶上有蜡烛保持住温度，如果平日tea time黎食野饮呢个花茶，感觉都几写意！
虽然间餐厅唔大，座位唔算宽阔，不过食物质素好得黎价钱又亲民，呢啲小本经营嘅小店真心会再黎支持！
p.s. 其实间餐厅圣诞当日唔系只做圣诞餐，散叫menu上嘅食物都可以，但我地懒得谂再加上觉得叫餐都好多野食所以无散叫，只系另外叫左薯皮同蒜容包。 另外因为当日食唔晒嘅关系，我地打包左个大菇意大利饭，第二日叮番热黎食都仲好好味，个饭唔会太硬，味道又好，呢间餐厅真系要encore!
17 浏览
0 赞好
0 留言
32 浏览
0 赞好
0 留言
张贴
