影片
更多
2023-11-25
30 浏览
天鸟居酒屋 Tentori Izakaya📍天水围天华路33号T Town North 2楼N212号舖朋友呢日又返晏，入咗嚟天水围揾我食早餐，一般港式嘅早餐我哋都食得唔少，今次就想试吓喺T Town商场入面揾下有无啲特色早餐食，估唔到又真系俾我哋揾到㖞。我哋喺呢间居酒屋嘅门口睇到有早餐嘅餐牌，即使系周末价钱一样咁经济实惠，睇过啲嘢都几啱食，于是我哋就拣咗喺呢度食早餐啦。 💰$32炭烤鸡扒手打乌冬 🍜朋友一向比较钟意食粉面，所以汤面餐我就俾佢揸主意。汤底拣咗鱼介汤，配菜就拣咗炭烤鸡扒，面底就梗系呢度比较出名嘅手打乌冬啦！虽然系早餐，但系佢嘅份量同午餐都差唔多，亦都有昆布做配料。炭烤鸡扒好香炭烧味，鸡扒肉质偏淋；鱼介汤底味道浓香，早餐食呢个够晒醒神！如果唔想拣咁日式嘅配搭，都可以选择米线或者出前一丁呢啲比较港式嘅口味，当然你都可以选择拉面做面底啦。佢有多达八款嘅食材俾你配搭唔同类别嘅面，汤底亦都有两款，有辣有唔辣，任君选择，自由度非常高。 💰$32吉列鸡扒飞碟 🥪呢份吉列鸡扒飞碟真系厚到无朋友，飞碟机压过嘅地方非常香脆，里面夹住生蕃茄、生菜、酸瓜沙律酱、同埋主角吉列鸡扒！炸过嘅烤鸡扒依然
📍天水围天华路33号T Town North 2楼N212号舖
朋友呢日又返晏，入咗嚟天水围揾我食早餐，一般港式嘅早餐我哋都食得唔少，今次就想试吓喺T Town商场入面揾下有无啲特色早餐食，估唔到又真系俾我哋揾到㖞。
我哋喺呢间居酒屋嘅门口睇到有早餐嘅餐牌，即使系周末价钱一样咁经济实惠，睇过啲嘢都几啱食，于是我哋就拣咗喺呢度食早餐啦。
[价钱 Price]
💰$32
炭烤鸡扒手打乌冬 🍜
朋友一向比较钟意食粉面，所以汤面餐我就俾佢揸主意。汤底拣咗鱼介汤，配菜就拣咗炭烤鸡扒，面底就梗系呢度比较出名嘅手打乌冬啦！虽然系早餐，但系佢嘅份量同午餐都差唔多，亦都有昆布做配料。炭烤鸡扒好香炭烧味，鸡扒肉质偏淋；鱼介汤底味道浓香，早餐食呢个够晒醒神！
如果唔想拣咁日式嘅配搭，都可以选择米线或者出前一丁呢啲比较港式嘅口味，当然你都可以选择拉面做面底啦。佢有多达八款嘅食材俾你配搭唔同类别嘅面，汤底亦都有两款，有辣有唔辣，任君选择，自由度非常高。
[价钱 Price]
💰$32
吉列鸡扒飞碟 🥪
呢份吉列鸡扒飞碟真系厚到无朋友，飞碟机压过嘅地方非常香脆，里面夹住生蕃茄、生菜、酸瓜沙律酱、同埋主角吉列鸡扒！炸过嘅烤鸡扒依然鲜嫩多汁，加埋其他口感比较清新嘅食材一齐食，一啲都唔油腻，比一般食普通嘅三文治嚟得丰富。
每个飞碟或三文治餐仲会有椰菜沙律、茄汁焗豆、粟米粒呢啲配菜伴碟，感觉就好似食紧一份all day breakfast (with a twist)！
[价钱 Price]
💰$42
炸猪扒薯条吞拿鱼三文治 🐖🥪🍟
我哋仲叫多咗一份炸猪扒薯条吞拿鱼三文治套餐，呢份三文治相对比较轻盈，两件都涂满吞拿鱼沙律酱，非常啱我嘅口味。炸猪扒有两大块，猪扒炸得金金黄黄，调味唔会过分咸，而且一啲都唔会鞋口，都唔错啊。最好食嘅就系薯条，因为佢系包皮薯条，食到薯仔嘅香味之余仲会比一般嘅薯条更加脆口同干身。呢个餐都同时有茄汁焗豆、椰菜沙律同粟米，真系太丰盛啦，感觉呢个餐会好受小朋友欢迎。
[价钱 Price]
💰$12
手卷 🍙
$6一件嘅手卷真系抵到烂呀，虽然佢咁平咋，但系佢都好多选择，而且食材都好新鲜㗎。我同朋友一人拣咗一款口味，我自己拣咗海鲜沙律，而佢呢就拣咗生芥末八爪鱼。
我拣嘅海鲜沙律里面有好多唔同嘅贝类，口感非常丰富；朋友拣嘅生芥末八爪鱼有少少辛辣，八爪鱼好弹牙，呢个价钱喺出面绝对食唔到！
[价钱 Price]
💰$16
寿司 🍣
寿司仲平， $4一件！虽然款式冇得自订，但我哋都好好彩㖞，食到三文鱼、蟹籽、北寄贝同埋玻璃虾㖞！佢哋嘅手握寿司嚿饭就比较细，鱼生亦都唔会切到好厚，但系胜在食材比较新鲜，所以唔会有腥味，口感亦都好好。
[价钱 Price]
💰$12
厚烧玉子 🍳
我个人几欣赏呢度嘅冻食厚烧玉子，虽然一刻只有三件，但蛋味香浓唔会有过多嘅空气，口感绵密，就好似食紧半熟芝士蛋糕咁。加上佢上菜前会用火枪轻轻烧过玉子表面，入口时会有蛋烧过嘅香味，咁平嘅价钱如果我个胃有多啲位，一定会叫多几份嚟食！
[价钱 Price]
💰$8
热饮 🍵
我同朋友各自加咗$8配一杯热饮，佢间中姜茶，我拣咗金橘柠檬百香果蜜。朋友嘅姜茶喺而家咁冻嘅天气下饮非常暖胃，仲有驱寒嘅作用。而我拣嘅金橘柠檬百香果物呢就有一个小茶袋装住嘅，里面见到有金橘、柠檬、百香果等等嘅材料，浸泡出嚟嘅饮品唔会死甜，干燥天气饮有润喉嘅效果。最重要嘅系呢度嘅饮品系有得无限添饮㗎，真系非常抵呀！
总括嚟讲今餐真系性价比非常高呀，$150内就可以食到我哋饱到午餐都唔洗食，而且又可以试下港式早餐以外多元化嘅选择，下次过嚟再试吓其他唔同嘅早餐先！
张贴
