Bello Dining (已搬遷) 新店位置

呢间都算系我比较常去嘅餐厅，但系通常都系食午餐多，今日同埋几位同事再次去呢度食，可能因为疫情关系，所以都比较少人，若果唔系平时都需要排队。佢个午餐餐牌我都试过晒㗎啦，佢无论意粉或者pizza，都好有水准。意粉佢好有弹性，好有咬口，一啲都冇煮过龙，佢嘅青酱杂菌扁意粉同埋spaghetti bolognese 啲汁都好香，唔会多到成口都剩系得汁。佢嘅Pizza虽然唔系好大，但系佢个底好脆，对我来讲有啲脆过头，好似食饼咁，除咗呢样味道都好好。呢间餐厅唯一缺点就系份量唔大，可能有机会有啲大食嘅男仔会唔够食。