Viesta Express

营业中

休息中

佛诞假期嚟到天水围探朋友，去到湿地公园附近，都算系偏远地区，不过喺天水围转轻铁过嚟都系15分钟。呢度附近最近开咗有好多唔同嘅独立餐厅，就等我带你哋去试吓呢度嘅越南特色食物啦！呢度除咗室内位置，仲有户外区域可以坐，不过相信咁炎热嘅天气，大家都会坐喺室内嘅！12点嘅时间入到去见到都满咗八成人，就知佢咩料啦🤭午市套餐非常抵食，平均返都唔使$100，仲可以加钱要埋小食，送埋杯饮品俾你，环境同座椅都非常舒服，店面都算阔落。我同朋友分别点咗两碗捞檬粉，因为实在太热啦！佢就点咗爆脆烧腩肉捞檬，啲烧腩肉真系好大件同香脆，加埋冰冻嘅越南酸酱汁，呢个时间食真系好开胃！我就叫咗鸡髀肉捞檬，鸡髀肉好滑，捞檬好爽口🫶🏻另外再加咗两款小食，越式炸春卷，同埋牛油鸡翼，牛油味好重，略嫌两只鸡翼大细唔平均，炸春卷都好香口！跟餐我地再叫咗两款饮品，叫咗一杯冻朱古力同加钱叫咗一杯越南滴漏咖啡走炼奶 （我唔系太钟意甜），呢杯热咖啡真系冇得输，个人觉得喺必点！佢哋仲新推出咗隐藏式甜品Menu🤭，我叫咗一碗芝士奶盖紫米露，非常香浓奶味，紫米露唔会太杰，食落甜度刚刚好。