Viesta Express

营业中

休息中

好难得嚟到天水围一带，要去天恒个边，揾下附近有咩食，平时成日喺商场入面揾野食已经唔知有咩好食，wetland seasons park呢边就开咗好多新野食，好多地舖餐厅，离天恒都唔远，就嚟呢边试吓。呢日系星期日，下午3点嚟到，餐厅入面只有两枱客，自己入到去自己揾位坐低就得，冇人招呼，枱面有qr code自己落单。星期日都照有午市套餐同下午茶套餐，午市套餐多啲选择，有捞檬、汤檬、饭，檬粉可以转河粉、米线，但下午茶套餐就得捞檬同饭。午市套餐可以免费拣冻饮，下午茶饮冻饮就要加钱。我哋就叫咗一个午市套餐一个下午茶餐。饮品叫咗热朱古力同冻美禄恐龙，朱古力好浓唔错，美禄恐龙就系美禄上面加朱古力粉。优惠追加$14两只牛油鸡翼，好香牛油味，虽然个碟好多油但啲鸡翼都好脆。香茅鸡扒汤河粉 午市套餐有自家制辣汁，落单个阵可以拣唔要/小/中/大辣，我哋拣咗小，都几多，明显见到好多辣油，我哋舀咗啲出嚟先搅个河粉，但都几辣。鸡扒几嫩，不过啲皮唔脆的，普通煎。香茅猪扒捞檬 下午茶餐冇得拣面类，同埋一定要系捞檬，上菜会比埋桶汁你。汁唔太酸，少少辣，主要系入面嘅蒜蓉嘅辣味，唔系真系辣椒𠮶种咁辣。猪扒几好食，够干。