影片
更多
2024-02-07
664 浏览
湿地公园一带开左好多新餐厅，有部分一直都未试，今日唔想煮饭，就一于去果头食餐好啦。呢间「德国餐厅」位置近消防局，座位有分室内同室外，由于天气比较冻，所以我地拣左座室内。餐厅装潢走欧洲风格，内里灯光柔和，环境都几舒适，座位亦都相当宽敞。餐牌上嘅选择都好多，晚市时段除左有2人及4人套餐外，仲有各式各样单点选择。星期一至四晚市有唔同嘅优惠，大家可因应自己嘅口味，拣喺唔同嘅日子光顾。呢度嘅德国咸猪手系招牌菜，又点可以唔试下呢？德国咸猪手配酸菜及薯仔沙律：猪手份量都算几多，皮厚香脆，带轻轻嘅咸香味，除此之外，肥瘦亦都均匀，肉嫩香滑得黎亦唔太油腻，配埋蜜糖芥茉同法式芥辣食，真系非常惹味呀! 配菜方面仲有酸菜及薯仔沙律，一啖猪手，一啖酸菜薯仔沙律咁食，真系相当有风味，非常清新，好开胃。凯撒沙律配烟三文鱼：猪手较为油腻，配返份沙律就比较健康，凯撒沙律可以拣配风干火腿或者烟三文鱼，我哋拣咗配烟三文鱼。沙律菜非常之多，烟三文鱼亦都唔少，配埋面包粒，两个人share食份量十足。酱汁要求另上，更钟意落几多就几多，非常适合怕肥嘅女士们。特色鸡翼：鸡翼一份有6件，分别有三只鸡翼同三只鸡髀，可以拣辣同唔辣，我地拣左
呢间「德国餐厅」位置近消防局，座位有分室内同室外，由于天气比较冻，所以我地拣左座室内。
餐厅装潢走欧洲风格，内里灯光柔和，环境都几舒适，座位亦都相当宽敞。
餐牌上嘅选择都好多，晚市时段除左有2人及4人套餐外，仲有各式各样单点选择。星期一至四晚市有唔同嘅优惠，大家可因应自己嘅口味，拣喺唔同嘅日子光顾。
呢度嘅德国咸猪手系招牌菜，又点可以唔试下呢？
德国咸猪手配酸菜及薯仔沙律：
猪手份量都算几多，皮厚香脆，带轻轻嘅咸香味，除此之外，肥瘦亦都均匀，肉嫩香滑得黎亦唔太油腻，配埋蜜糖芥茉同法式芥辣食，真系非常惹味呀! 配菜方面仲有酸菜及薯仔沙律，一啖猪手，一啖酸菜薯仔沙律咁食，真系相当有风味，非常清新，好开胃。
凯撒沙律配烟三文鱼：
猪手较为油腻，配返份沙律就比较健康，凯撒沙律可以拣配风干火腿或者烟三文鱼，我哋拣咗配烟三文鱼。
沙律菜非常之多，烟三文鱼亦都唔少，配埋面包粒，两个人share食份量十足。酱汁要求另上，更钟意落几多就几多，非常适合怕肥嘅女士们。
特色鸡翼：
鸡翼一份有6件，分别有三只鸡翼同三只鸡髀，可以拣辣同唔辣，我地拣左唔辣。
即叫即炸嘅鸡翼非常香脆，热辣辣，厚肉多汁，有极浓嘅七味粉味，简直令我地回味无穷。
墨西哥粟米片配牛油果酱、蕃茄莎莎：
脆口嘅墨西哥nachos 配牛油果酱同蕃茄莎莎，牛油果酱味道香浓，蕃茄莎莎入口酸酸地，能够中和nachos嘅油腻感，令人一块一块咁食过不停。
张贴
