榆越 (已結業)

今日早咗收工，返咗天水围屋企附近商场揾食，见到有间越南嘢食评价唔错，即管试吓！餐厅位于商场一楼，啲凳都好有东南亚特色，仲要系梳化凳，真系超舒服🤣见到餐牌啲嘢食非常抵食，所以两个人叫咗好多嘢食🤣🤣🤣首先我哋叫咗牛魔王河粉，汤底清甜，非常足料，有牛肚，牛腱，牛丸同埋生牛肉！分量大，非常满足😍另外仲叫咗软壳蟹捞檬，一样份量十足，非常清凉，夏天咁热食呢个啱晒😋我哋仲叫咗一个猪颈肉法包😍😍😍呢款超级惊喜，分量超级大，除咗有大量猪颈肉之外，仲配上咗九层塔同千岛酱🥰🥰🥰食过返寻味🤩一致认为最好食嘅系蒜蓉牛油鸡翼😝鸡翼炸到非常香脆😍香气四溢嘅蒜蓉牛油味，一入口已经非常有惊喜🥰咁近屋企今日先发现有咁嘅美食，之后一定成日过嚟encore🥳