輕時光

营业中

休息中

之前去中环食野已经成日经过哩间饮品店，佢既外墙真系好靓，一睇就已经觉得好啱打卡😂今次经过因为太口渴既关系，所以忍唔住同朋友入去买左两杯野饮哩间饮品店既饮品系全水果制作，而且使用自家熬制桂花冰糖，不含化学添味剂，非常健康。而店里面有位置可以坐低或者或者企系到饮，亦有啲打卡位。佢既饮品选择都唔少。我地就叫左以下两杯野饮👇🏻🎈芒果红火龙优格果昔（L） $46佢系用新鲜芒果、红火龙果同埋原味乳酪制成，所以味道唔会太甜，够晒天然同健康，饮既时候会咬到火龙果籽，亦有淡淡的芒果同埋火龙果味，口感顺滑，味道清新。🎈超级水果茶 $38有桂花乌龙同埋茉莉绿茶两种茶底可以选择，今次就拣左桂花乌龙。水果味浓郁，内里有热情果、橙、苹果、红色火龙果同柠檬，味道酸酸甜甜，非常清新，而且超级大杯，真系好啱夏天饮。整体黎讲，哩间比较少见既健康饮品店，而且饮品外型都好靓，好啱打卡，大家系中环想揾野饮既话都可以试下。