黑蒜 (太古廣場) (已結業)

今日接宝贝女放学, 系太古三期见到有新店黑蒜, 主打用有机食材做创意亚洲菜, 又几吸引下。外卖坐太古露天花园, 嚟个悠闲午餐都唔错丫！黑蒜清汤牛肋骨清汤牛肋骨喺呢度嘅招牌菜, 脂肪较少唔油腻, 炆煮得淋身入味, 入口即化。杂谷饭好似红米饭, 较腍身软熟易入口。加入黑白芝麻、紫菜丝和饭素, 香口惹味, 带有清淡嘅肉骨茶药膳味道！陈皮豆酱蒸鱼陈皮配豆瓣蒸鱼无腥味, 仲散发发淡淡豆豉清香, 咸咸地唔会抢走鱼嘅鲜味, 鱼柳无骨啖啖肉, 大人细路都啱食！配餐可拣饮品和自家汤水, 紫荆奶茶几吸引, 但早餐饮咗咖啡, 留待下次再试。自家汤今日就系红萝卜瘦肉, 无味精健康滋润暖胃, 好有住家feel！