松山素食 (已結業)

今日去上环探朋友撞正午饭时段，朋友建议买外卖上佢家慢慢叹。老友介绍嚟咗 松山素食 佢赞口不绝，话真材实料、健康又经济实惠!嚟到餐厅门口，已经有好多人排队买外卖。三𩠌饭只系三十三蚊， 喺上环区真系好难揾。仲有其他斋菜选择，认真唔错!素食菜式 (三𩠌)镇江素面筋，好似酸斋酸甜醒胃。盐酥鸡并野鸡卷，炸物松脆干身唔油腻，口感真系几似鸡肉。豆角菜脯炒蛋， 炒蛋又几 嫩滑唔老身！干烧伊面干烧伊面，炒得香口唔油腻，面身弹牙爽口， 烟韧有嚼口！少盐少油，健康之选。 加配姜丝浸龙须菜， 口感似通菜， 更加有爽口，味道清新！紫薯淮山五谷杂粮粥材料丰富，紫薯天然甜味，淮山爽口，健脾有益。五谷杂粮，丰富膳食纤维，帮助消化，烟韧又爽口，湿润温和有饱足感！土茯苓牛大力赤小豆粉葛汤清甜暖胃，粉葛相当突出。健脾益胃解暑 ，无糖、无盐、无味精，自家良心炮制 住家靓汤，多饮有益。