影片
更多
2019-05-27
2105 浏览
曾几何时，蒸汽锅如雨后春笋开到成行成市，不过，经过汰弱留强嘅阶段，依定算叫做稳定落嚟，即喺偶尔会见到有新店开张，但就唔会突然爆好多出嚟。好一阵子无食过蒸汽锅喇，有好友推介荃湾嘅「金牌源记」，因为有啲超抵食嘅蒸汽锅套餐，再者，荃湾对我嚟讲好就脚吖，一个站就返到美孚。餐厅无豪装，格局比较喺茶记，以一排排嘅卡位居多，晌门面就见到贴有早餐、午餐、下午茶餐餐牌，可见佢哋大部分时间都喺以茶记形式做生意，一到夜晚就推出蒸汽锅。除地下，仲有楼上，当然都喺以卡位为主。行到尾仲有个房，够私隐，不过，当晚有客订咗房，未有机会睇睇个房有多大。点解友人会推介呢间小店？原因有二，第一喺店主有做海鲜批发，所以，来货自不然可以做到平啲靓啲。第二喺佢哋专注做一款海鲜蒸汽锅套餐，足10款海鲜，送埋炖汤、蔬菜、糖水，但只喺卖$288一位，无加一添，如果剪下单张嘅优惠券，就仲悭多$20。枱边挂有啲调味料、牙签、纸巾，其实喺俾早、午市啲客用。到晚市食蒸汽锅，会每人另外送上酱料一份，包括：豉油、蒜蓉、辣椒碎及日本芥末，最正喺唔会晌呢啲位度乘机收你十蚊八蚊酱油费，出面好多餐厅晌呢啲位抽得就抽。不过，食得蒸汽锅，都以鲜味为上，我都无
餐厅无豪装，格局比较喺茶记，以一排排嘅卡位居多，晌门面就见到贴有早餐、午餐、下午茶餐餐牌，可见佢哋大部分时间都喺以茶记形式做生意，一到夜晚就推出蒸汽锅。
除地下，仲有楼上，当然都喺以卡位为主。行到尾仲有个房，够私隐，不过，当晚有客订咗房，未有机会睇睇个房有多大。
点解友人会推介呢间小店？原因有二，第一喺店主有做海鲜批发，所以，来货自不然可以做到平啲靓啲。第二喺佢哋专注做一款海鲜蒸汽锅套餐，足10款海鲜，送埋炖汤、蔬菜、糖水，但只喺卖$288一位，无加一添，如果剪下单张嘅优惠券，就仲悭多$20。
枱边挂有啲调味料、牙签、纸巾，其实喺俾早、午市啲客用。
到晚市食蒸汽锅，会每人另外送上酱料一份，包括：豉油、蒜蓉、辣椒碎及日本芥末，最正喺唔会晌呢啲位度乘机收你十蚊八蚊酱油费，出面好多餐厅晌呢啲位抽得就抽。不过，食得蒸汽锅，都以鲜味为上，我都无乜点用过。如果环保啲，不如讲俾啲客知需要时先送上。
依度嘅蒸汽锅玩法喺逐样蒸，所以，落好单就会随即捧上10层不锈钢蒸笼，由上而下已按套餐嘅次序，并按人头数放好晒食材。
而座位旁，就贴有各类食物嘅建议蒸煮时间，更附有一个小型摇控器，不过，我哋都喺直接揿炉面嘅表版仲便捷。跟住，就全自动波，自行按建议时间逐样蒸。
是日精选炖汤先嚟一盅盅嘅炖汤俾客人润吓喉咙，而今晚所饮嘅喺虫草花炖瘦肉，盅内非常之多料，味道几清甜，感觉都几润。
蒜蓉粉丝蒸波士顿龙虾首发喺波士顿龙虾出场，睇落就非常新鲜，虾肉晶莹，按建议蒸佢6分钟，个炉有响闹提醒，不过就细声咗啲，但表版有倒数显示，都唔使担心蒸过笼。
蒜蓉粉丝蒸波士顿龙虾
12 浏览
0 赞好
0 留言
蒜蓉粉丝蒸波士顿龙虾
8 浏览
0 赞好
0 留言
果皮蒸十头鲜鲍鱼款式可以拣原只或鎅花，其实，我都唔喺好知点为止鎅花，不过，心理上都喺觉得原只好，配以果皮，喺稳稳阵阵嘅处理手法。
只鲜鲍鱼都几大只吓，铺上丝丝果皮，其实果皮味就唔喺好重，然而，啲饱鱼口感咬落有韧劲之余，亦有弹牙感，鲍咪鲜甜。
果皮蒸十头鲜鲍鱼
7 浏览
0 赞好
0 留言
因为稍后登场嘅筒鱿拣咗梅子，所以，大鳝就选豉汁蒸，份量方面，每人都分到3嚿大鳝，兼且算喺厚切架。
睇啲鳝涂满豉汁，当然够晒惹味啦，而啲鳝正就正在肉质有点弹牙外，更充满油香，非常油润。
豉汁蒸大鳝
8 浏览
0 赞好
0 留言
见佢就咁写住海虾，以为都喺普通嘢，视乎俾嘅份量多唔多，点知，嚟嘅都喺有成只手掌大嘅大海虾，非常有睇头，而且，肯定喺新鲜，因为部份仲扎扎跳。
清蒸，就最能食到其鲜甜味，而且，唔喺靓货，都唔敢以清蒸奉客啦。啲虾肉质十分爽口，味道鲜甜，沾少少辣椒豉油已经好突出番其鲜味。
清蒸海虾
5 浏览
0 赞好
0 留言
龙趸可以拣清蒸或刴椒蒸，尽可能我都会拣清蒸，因为，啲海鲜靓唔靓，清蒸就最易食得出。睇见啲鱼肉，色泽新鲜有光泽，唔会暗暗哑哑。
一人分到几嚿鱼肉，虽然份量唔多，但啲鱼肉入口极之嫩滑鱼味浓，无「揸流摊」㖞。
油盐水蒸时令大蚬食咗咁多道海鲜，你就会发觉佢哋喺重质不重量，所以，嚟到时令大蚬，无花无假坚大只。讲明油盐水蒸，咁就要揾多只碟载起佢。
啲大蚬蒸得啱啱好，肉质爽口，味道清甜，最紧要喺半粒沙都无，沾丁点豉油，鲜味更突出。千祈唔好漏咗饮埋壳内嘅汁，劲鲜甜呀！
油盐水蒸时令大蚬
4 浏览
0 赞好
0 留言
如果大家有留意就见到每一笼海鲜都会配搭唔同嘅蔬菜，有粟米、丝瓜、篙笋、南瓜……等等，等客人吸收到唔同嘅营养外，更唔觉唔觉食到大量纤维素。与此同时，更额外加一道梅菜蒸菜心。
平常食菜心，白灼加蚝油，蒜蓉炒，揾梅菜蒸都喺第一次，但效果出奇地好。一来啲菜心够嫩，唔会咬到一口渣，二来啲梅菜无过咸，反而颇清甜。
梅菜蒸菜心
5 浏览
0 赞好
0 留言
蒸海鲜点可以无扇贝、蛏子皇份架？虽然蛏子皇未喺大到成呎长𠮶啲，但两者睇落都甚具质素，清靓白净，唔会瘀瘀黑黑。
讲到食味，真心觉得用料不赖，啲扇贝肉都几爽，夹埋啲惹味蒜蓉，正呀；而蛏子皇肉质弹牙得嚟有咬口，但绝唔会韧到擦纸胶咁。
梅子蒸长筒鱿之前多道海鲜都喺伴以唔同蔬菜，但长筒鱿就揾咗似喺陈村粉嚟垫一垫底，因为比较厚身啲，此外，亦选用梅子嚟蒸，因为食到近尾，觉得梅子酸酸甜甜有种帮助消化嘅感觉。
嘅鱿鱼蒸好后，配上梅子酱，确喺感觉清爽，而鱿鱼质感好软腍。垫底嘅陈村粉本身都有点米香，淋上少少豉油已唔错。
梅子蒸长筒鱿
6 浏览
0 赞好
0 留言
街外好多蒸汽锅都喺以粥底作结，但呢度就以蒸饭作结，而且，唔喺普通荷叶蒸饭，而喺加入肉蟹嘅荷叶蒸饭，自然升价十倍啦，两人份嘅话就分到一只大肉蟹
源记荷叶蒸蟹饭
24 浏览
0 赞好
0 留言
精选糖水店员话糖水晚晚都唔同，而是夜就喺紫米露，惊喜就无惊喜架啦，但质素叫做平稳，紫米煲得烟韧，整体够绵，算喺有诚意。
不时会谂，香港算喺一个福地，物资从来不缺，但其实好多嘢都唔喺必然，就好似今晚，嚟到「金牌源记」，摆明唔喺食装修，以咁嘅价钱，品尝到咁多款鲜味海鲜，招呼又好，亦喺一种福气。补充多句，其实食蒸汽锅都喺自已蒸吓蒸吓，都唔使点招呼，但点解话佢哋招呼好呢？皆因我哋个蒸汽锅半途抛锚，搞极都唔出蒸汽，位店员索性帮我哋晌隔离张空枱蒸完再拎俾我哋食，仲喺逐样蒸、逐样拎，真喺麻烦晒佢（其实，我哋喺唔介绍搬枱架）。
张贴
