影片
更多
2010-06-08
39 浏览
最近旺角雅兰中心附近开左间新既太兴，好似都几受欢迎，正正系翠华再过d，摆明打对台。不过呢间新既我就未食过，前几日就反而黎左太子呢间食。去完church已经差唔多两点多，入到去已经系下午茶时间，佢都有多款下午茶餐。另外仲有d烧味粉面饭餐，都算几多野食，难怪佢都几受欢迎。不过呢间店铺实在太细，台既数目十只数指数得哂，所以坐卡位佢会迫你坐埋一边，咁样佢可以坐多d人，不过环境真系几迫夹，下次都系宁愿去雅兰个边个间好过。由于我地未食野，咁肚饿当然要叫个饭食，最后我地就要左个叉烧烧肉饭，另外叫左个下午茶餐，其实几款都好吸引，最后要左「顶级午餐肉滑蛋公仔面」，其实都只系想叫个饱肚d既食物，加 $ 6 要左杯鲜奶忌廉红豆冰。叉烧烧肉饭系最快黎到，烧味份量几多下，反而饭既份量较少，唔系好合比例㖞~ 叉烧偏瘦，但唔会好靱，有少少炭烧香，又有肉味都算几好食。烧肉个皮好脆，皮与肉中间有一层薄薄既脂粉，食落好香，肉质几嫩又肥瘦适中，唔错㖞~~~ 不过豉油汁少左d，如果再多d就正啦。呢个「顶级午餐肉滑蛋公仔面」索价都唔平架，所以都唔会俾d太差既材料。公仔面食落系出前一丁，面渌得几好，硬度适中亦有d弹牙，唔错。午餐
去完church已经差唔多两点多，入到去已经系下午茶时间，佢都有多款下午茶餐。另外仲有d烧味粉面饭餐，都算几多野食，难怪佢都几受欢迎。不过呢间店铺实在太细，台既数目十只数指数得哂，所以坐卡位佢会迫你坐埋一边，咁样佢可以坐多d人，不过环境真系几迫夹，下次都系宁愿去雅兰个边个间好过。
由于我地未食野，咁肚饿当然要叫个饭食，最后我地就要左个叉烧烧肉饭，另外叫左个下午茶餐，其实几款都好吸引，最后要左「顶级午餐肉滑蛋公仔面」，其实都只系想叫个饱肚d既食物，加 $ 6 要左杯鲜奶忌廉红豆冰。
叉烧烧肉饭系最快黎到，烧味份量几多下，反而饭既份量较少，唔系好合比例㖞~ 叉烧偏瘦，但唔会好靱，有少少炭烧香，又有肉味都算几好食。烧肉个皮好脆，皮与肉中间有一层薄薄既脂粉，食落好香，肉质几嫩又肥瘦适中，唔错㖞~~~ 不过豉油汁少左d，如果再多d就正啦。
呢个「顶级午餐肉滑蛋公仔面」索价都唔平架，所以都唔会俾d太差既材料。公仔面食落系出前一丁，面渌得几好，硬度适中亦有d弹牙，唔错。午餐肉食落似系天坛牌，哈哈，不过真系几好食，咬落去真系见到d火腿系入面，食落好香，加埋只炒得几滑有蛋汁既蛋，呢个都几好食~~
不过加$ 6既红豆冰就麻麻地，饮到鲜奶味，不过唔够浓，甜度亦不够，饮到后期越来越淡。红豆都算大粒又够多，不过成杯野既味道都系争左少少。
由于呢度几多客人，食完都拿拿声走人，废事阻住人地做生意。不过太兴既食物质素都唔算太差，但呢间太迫，下次我会去另一间食好过。
张贴
