AGE Cuisine Express (已搬遷) 新店位置

今晚同男朋友食西餐，呢间餐厅系工厦入面，好易揾到。以前住附近都无黎食，估唔到搬左屋先黎食，真系好好食而且服务态度又好。我地叫左一个前菜，两个主菜，一个加$48变套餐，再散叫个甜品，好饱。辣肉肠蘑菇酥盒热辣辣，酥盒够松脆，好出色。是日精选餐汤系烟肉薯蓉汤，味道浓郁，好多烟肉，附有餐包。椰香辣酱烧春鸡配有大量邪恶既薯条，烧春鸡已经一分为二，肉质嫩滑，唔鞋口，十分抵食。香煎纽西兰原条柠檬鲶鱼有惊喜，鱼皮煎得香脆，鱼肉同鱼骨好易分离，鱼肉唔腥又滑，仲铺左层厚身既薯蓉，相当唔错。精选意大利甜品系云尼拿酱泡芙配开心果雪糕，摆盘有心思。再叫多个甜品：自家制意式芝士饼，谁叫我钟意食甜品呢，哈哈。饮品叫左冻柠茶，糖酱自己落。