蘇浙滙 (太古城中心)

营业中

休息中

今日约咗朋友喺太古城，谂住饮茶或者食中菜，所以拣咗呢一间上海菜中菜厅，见啲评论都唔错，仲曾经系米芝莲，咁就试吓呢间啦！由于系中午关系，呢度有提供午市套餐，价钱嚟讲百几蚊，喺太古城我觉得都算几合理！不过见到啲评论咁好，一场嚟到就试吓佢啲上海菜，今次嗌咗几个小菜，分别系一啲前菜，包括麻辣牛肚、素鹅、黑叉烧，仲叫咗小笼包，同蟹粉面！热甜品就嗌咗一个绿豆糕！同朋友倾咗一阵，之前菜首先嚟到！首先讲吓个麻辣牛肚，整体都唔错，用金钱肚比较挂汁，配埋啲麻辣酱汁，都几开胃！而且份量都唔少！之后就系黑叉烧，有别于广东嘅叉烧嘅做法，叉烧比较硬身，但系佢用薄切嘅方法，感觉上有少少烟熏嘅味道，几得意！不过我当然钟意食传统嘅广东叉烧多啲🤪！跟住不得不赞就系素鹅，呢个真系几好食，系我食过咁耐以来嘅数我嘅第一位！佢系脆脆地，热辣辣！下次一定要再encore呢个！之后就到小笼包，见到佢系招牌菜，个小笼包皮好薄，而且里面啲肉汁都好丰富，配埋醋真系冇得顶！另外个蟹粉面终于到咗，反而冇乜特别惊喜！正正常常！下次可以留quota食第二样嘢！本来唔谂住食甜品，但系个部长强烈介绍，呢个绿豆糕系好似食雪糕蛋糕咁，比较硬身，而且有啲c