Pattern

营业中

休息中

一直好挂住呢间喺太和既小店，佢既羊西冷真系好一流。上次同朋友黎食佢比左一旧我试，真系超好食，惊为天人。今次难得又黎到，当然要叫羊西冷啦！咁啱黎到入面坐满左人，要等一张枱，就喺外面影住menu先。呢个就系佢超出名既羊西冷。同埋好好饮既朱古力。我同朋友不约而同叫左羊西冷，5成熟，佢配沙律，我就配意粉同埋叫左焦糖朱古力。估唔到店员喺朱古力上面拉左花画左只三眼仔比我，好得意呀！焦糖朱古力好好饮，一饮落去第一啖系焦糖味，然后就饮到朱古力味。焦糖味甜甜地，但系唔会盖过左朱古力味，朱古力味香浓，好好饮！期待最耐既羊西冷呀！一份有三旧，而且有意粉，非常足料。羊西冷好腍，用刀好容易就切开左，冇乜膻味，我自己就好怕羊既膻味既，但系呢个系冇，由于太好味所以超快就食哂。大力推介！黎开太和既朋友一定要黎试下，羊西冷真系超级好食(个人建议5成熟)，店员都好nice，环境都好好，舒服好坐。