麵屋 元祖達摩 (已結業)

今日经过大埔，看见一间名字几特别既拉面店:达摩拉面，于是入去试试店家好细心，有幼面同粗曲面可选，配料上都可自选要或不要，可以迎就到不同人既口味。主配料小怪就拣左至爱既猪软骨。因为钟意食啲浓味既野，樱花虾味噌拉面系小怪不二之选，仲选配上较硬身既粗曲面，慢慢食都唔怕汤渗透哂系面内，令面有糊既口感果然，黎到真系无令我失望。单睇见卖相齐整同只溏心蛋既晶莹剔透，已经食指大动！先饮一口汤底，香！浓！对于食得清淡既人，呢个面可能会令佢饮多几杯水。但味噌独特既咸味，钟意呢种味既人真系无法抗拒。正如日本人钟意味噌汤一样。配上风干既樱花虾，简直将浓缩系虾内既鲜味一口气爆发出来！整个汤，浓而不渴喉，活用鲜味带出汤底既重要。猪软骨处理得好，不用多加嚼著就有入口既溶既感觉，软骨同粗曲面岩哂钟意有口感既我。总括黎讲，确实系高质既出品 ，如果第日再入大埔，我一定会再去食！