麪譜車仔麵

营业中

休息中

星期日下午，喺大围踩单车入大埔，顺便揾揾附近有咩嘢食😆见到附近有间车仔面，对汤粉爱好者来讲，作为下午茶医肚一流。Btw下午茶时段3:00-6:00pm，食面送饮品/豆浆。开头叫咗杯冻柠茶走甜，饮完发现极苦涩，茶底好奇怪。经店员介绍后，转饮普通柠茶，问题即刻解决咗，好彩正常版都唔会过甜。三𩠌米线 $45（秘「鲁」腩仔肉、酱烧猪颈肉、酥炸虾卷）食完觉得冇想像中出色🥹不过汤底以车仔面黎讲都唔错嘅，拣咗腩汁加咖喱汁，味浓得嚟带少少辣👍🏻腩肉有三分二都系肥，唔推介😅猪颈肉亦较普通，可以唔使试。虾卷冇乜酥炸感，食落较粉，唔特别。米线煮得好淋身，钟唔钟意就见仁见智。三𩠌粗面 $45（藤椒煲老藕、麻甩辣鱿鱼、万年卤大肠）另一碗点咗麻辣中小辣，汤底只有麻辣味，冇乜内涵。粗面唔太搭，面质一般。但系啲配𩠌反而有惊喜，煲老藕十分麻，系出面食唔到。大肠清理得干净，而且算入味。鱿鱼正正常常，唔差。