Talk 2 DeCream (已結業)

每次经过厚福街都一定有口福，今次经过一间迷你粉红小店叫Talk 2 Decream，我同女友都被入面文宣吸引。虽然啱啱餐饭好饱，但女仔系有两个胃，女友用楚楚可怜嘅眼神望住我，我点一点头，然后拖住女友既手走入店𥚃。Talk 2 DeCream味道种类唔多，不过有一至两款味道几新奇，例如肉桂苹果味。经过一番挣扎，我同女友分别选择肉桂苹果树同三重奏朱古力杯。- 三重奏朱古力杯🍫三重奏指榛子酱，朱古力雪糕同朱古力饼底。朱古力好浓郁，微苦唔会太甜，不过三重奏尤其系榛子酱太heavy，感觉有少少腻。- 肉桂苹果树🍎雪糕系玫瑰牛奶雪糕，中间系自家制新鲜苹果酱，加上饼碎、忌廉、肉桂粉，层次非常丰富。我第一次试肉桂便爱上，另外苹果酱入面真系有一粒粒果肉。餐厅外墙印上 ‘Life is like a ice cream, enjoy it before it melts’。虽然雪糕太大杯，融化之前食唔晒，不过都系咁好味，两款雪糕平分秋色。