影片
更多
2023-02-09
99 浏览
🔅安安烧🔅旺角🔅串烧🔅好耐冇食过呢一间串烧店，系由安安集团，即系火锅撚同系列集团经营，之前一直喺旺角都好钟意深宵去帮衬！但今次呢一个食评将会系一个谏言，因为觉得食物水准跌咗，真系好可惜呀🥺最主要系食物准备方面落多咗调味，亦都品尝到食物质素争咁啲，菜式嘅款式同埋创意依然十足，所以钟意食串烧嘅朋友仔都系唔可以错过嘅～😄 黑松露墨鱼饼有黑松露同墨鱼胶打成嘅煎饼！味道十足，好香嘅黑松露，个胶亦打得好Q胶～😄 沙茶金菇煲个煲仔滚住咁煮真系好有feel，虽然金菇就唔值钱😂但个feel值钱！😄 美国牛小排牛肉嘅生熟程度控制得唔错， 亦都好重牛味！😄 花枝丸同年糕不过不失，都烧得好香脆，内里软熟🤨 蒜香烧白鳝如果有留意我食评嘅朋友，就会知道我几钟意食鳝，几乎每次去串烧店都系必叫～但今次真系令我好失望，我第一次食烧鳝系腌咗烧烤汁，感觉因为鳝鱼唔新鲜先至咁处理，超级失望😭🤨 蒜蓉惹味生烧茄子喺呢一度嘅招牌菜，当然都系食串烧必叫！可能系因为生烧嘅关系，我自己就觉得佢烧焦咗嘅情况比较严重，令到茄子有烧焦味同苦涩味，蒜香都系好好食同重手，严格嚟讲都遮盖到，但系我自己就食得比较辛苦🤨 烧牛舌随着其他食店upgra
好耐冇食过呢一间串烧店，系由安安集团，即系火锅撚同系列集团经营，之前一直喺旺角都好钟意深宵去帮衬！但今次呢一个食评将会系一个谏言，因为觉得食物水准跌咗，真系好可惜呀🥺
最主要系食物准备方面落多咗调味，亦都品尝到食物质素争咁啲，菜式嘅款式同埋创意依然十足，所以钟意食串烧嘅朋友仔都系唔可以错过嘅～
😄 黑松露墨鱼饼
有黑松露同墨鱼胶打成嘅煎饼！味道十足，好香嘅黑松露，个胶亦打得好Q胶～
😄 沙茶金菇煲
个煲仔滚住咁煮真系好有feel，虽然金菇就唔值钱😂但个feel值钱！
😄 美国牛小排
牛肉嘅生熟程度控制得唔错， 亦都好重牛味！
😄 花枝丸同年糕
不过不失，都烧得好香脆，内里软熟
🤨 蒜香烧白鳝
如果有留意我食评嘅朋友，就会知道我几钟意食鳝，几乎每次去串烧店都系必叫～但今次真系令我好失望，我第一次食烧鳝系腌咗烧烤汁，感觉因为鳝鱼唔新鲜先至咁处理，超级失望😭
🤨 蒜蓉惹味生烧茄子
喺呢一度嘅招牌菜，当然都系食串烧必叫！可能系因为生烧嘅关系，我自己就觉得佢烧焦咗嘅情况比较严重，令到茄子有烧焦味同苦涩味，蒜香都系好好食同重手，严格嚟讲都遮盖到，但系我自己就食得比较辛苦
🤨 烧牛舌
随着其他食店upgrade食材，食牛舌竟然食到茶餐厅𠮶只比较冧身，冇弹性嘅牛舌，系有啲失望😔
🤨 惹味鳗鱼汁秘制三重芝士捞丁
呢个都系佢嘅招牌菜，三重芝士捞丁的确好吸引，既有芝士酱又有少少蓝芝士吊味，作为饱肚之选，系非常满足！但我会落个注脚系因为个鳗鱼汁唔得，其实好似佢个捞丁再加额外调味酱，即刻令佢变成街边小食咁款🥲
总括而言，佢系比较平民嘅街头串烧店，其实如果好好控制期望佢唔系咁差，不过随着年纪增长quota减少🤣，希望同身边嘅好朋友食到更加高质嘅黄店，所以希望串烧店好好加油！！！
串烧店气氛无得输架🥹
安安烧 (染布房街)
网上订座即赚Rice Dollars
网址: https://s.openrice.com/QrbS0zlz0G0~uZ5MGAA
地址: 旺角染布房街6号地舖
电话: 26172220
=====================
#串烧 #港式串烧 #安安烧 #黄店 #旺角黄店 #黄店地图 #旺角美食 #啤酒 #生烧茄子 #蒜蓉茄子 #三重芝士捞丁
张贴
