殿糖級 (已結業)

同朋友食完晚餐想食甜品，于是就黎左依间试下。系menu见到火焰雪山，我既好奇心就被挑起左啦，因为我以前都无见过其他甜品铺有依款甜品卖。落左order之后，见到隔黎台一大座好白既火焰雪山，我仲好期待添。依款甜品既卖相，白色既山上面有少少焦糖色，再加埋黑色既朱古力酱系上面，望落去真系好吸引。雪山最出面既系蛋白，最初啲蛋白食落去甜甜地，有少少似cream咁，都ok。我一心以为应该有起码三分一系蛋糕同雪糕，点知写到差唔多到底都未食到。更加衰既系，可能因为啲打发左既蛋白太多气，我食到后面好腻，个胃仲要谷住谷住咁，有啲反胃既感觉，纵然个蛋糕同雪糕既味道其实几好，但系我都无乜胃口食啦。如果啲蛋白少啲，我谂个experience会好好多，今次去就真系有少少贴钱买难受啦。