泰潮 (已結業)

海南鸡饭就周围都有，但真系好食既就其实好少，有时会到好味既真系会好感动！所以我每次经过有海南鸡饭都会试下，睇下会唔会比我揾到间正野~今次试呢间系深水埗多年既泰国餐厅，系曾经获米芝莲美誉既餐厅，不过试左今次就令人失望咯！虽然有好多野食想叫，但当然我唔会忘记我黎呢到既目的系海南鸡饭啦。一个海南鸡饭套餐$56，都唔算平，但有汤有小食，以份量计都算系抵既。汤系普通既萝卜汤，有旧红萝卜仔送，味道淡淡的，只能话有个汤湿下口咁，向好方面谂系佢应该无落味精啰至于拍青瓜个量都算多，酸酸地咁都系开胃既，不过不失啦好喇讲左咁耐终于到主角海南鸡饭首先个份量系令人惊喜既，一定唔算少既，但味道就令人失望喇。鸡肉只系普通平时食既鸡咁，鸡味欠奉之余亦都唔滑口，好多食过既海南鸡都好过佢除左鸡，油饭一样咁重要！就算个海南鸡几好食，无好味既油饭就无意思~呢到既油饭睇落个样够黄，比左个假希望我其实自己都识整油饭，佢只系落左黄姜粉所以有个样 但鸡油明显唔够多，食落只有少少鸡香但唔够，加上饭都系偏硬身唔够热同绵，即使佢个量多都补救唔到~ 过唔到我呢个油饭控呢关啊！总括黎讲，呢到除左量多，其他都唔值得呢个价钱