Electric Ave (已搬遷) 新店位置

知道舖头出年就会搬，所以都想尽快食多几次，试多啲佢唔同嘅burger。听老板介绍话佢哋嘅lamb burger好得，对于我咁钟意食羊嘅人嚟讲，就梗系要试下啦。因为疫情，加上外卖有折，所以都系叫外卖。虽然系外卖自取，但都完全冇影响佢嘅水准，仲系热辣辣，个包好松软同埋好香，唔知系咪用牛油烘过呢。个羊好重羊味但一啲都唔苏，同埋无筋又唔韧，咬落去啖啖肉同好juicy。再加埋佢啲酱汁，洋葱同芝士，真系好丰富，好好味。最重要系佢个包够哂大，所以就算无另加薯条都够晒！但当然我有另加到佢啲特制薯条啦，因为佢啲薯条酱都好好味。