殿 大喜屋 (裝修中)

今日去到尖沙咀既殿大喜屋，系作为大喜屋系列高级啲既选择，会多左一啲平时无，比较昂贵既食材，例如拖罗，鲍鱼，鹅肝，海胆，榴梿等等。刺身有好多款选择，绝对唔比外面既日本餐厅少，全部都好新鲜，解冻得好好。嚟到梗系要食拖罗同蟹脚啦！松叶蟹脚好鲜美，肉质紧实。拖罗无筋，入口即化，超级肥美，满口充满油脂感！另外仲有海胆手卷，口感幼滑，味道鲜甜唔会好重明矾味。熟食方面选择多到眼花撩乱，有清酒煮蚬，各式各样串烧同埋天妇罗，嚟得殿大喜屋点少得鹅肝！超级厚切，好满足，我地都encore左几次！甜品有好多唔同选择，包括杨枝甘露、木糠布甸、tiramisu等等。同时餐厅提供左雪糕机，可以自己制作想要既雪糕，密瓜软雪糕、乳酪软雪糕和原味雪糕任你选择。雪糕柜仲有Haggen-Dazs，多种口味全部任吃！饮品方面提供左大量无酒精饮品和酒精饮品。无酒精饮品包括唔同汽水，茶，咖啡，椰青水同埋无糖饮品选择，减少罪恶感！而酒精饮品包括梅酒、白酒和清酒。好满意既一餐，我地都好满足，食物质素好好，不枉系香港最多人食既放题餐厅之一！