影片
更多
2024-10-03
2943 浏览
赏岛咖啡屋 The Pal Isle📍太子花园街233-235号伟雄大厦地下A号舖朋友同佢工作上嘅前辈有日约咗喺太子食晚餐，一行人预先约好去颇受欢迎嘅赏岛咖啡屋，坐低倾吓食吓。虽然地方唔大，但胜在店员有礼，食物好睇又好食，所以我哋都揾咗一晚去撑台脚。呢晚我哋唔算十分肚饿，望住选择繁多嘅menu，花多眼乱，都唔知拣咩好。店员见我哋毫无头绪，于是向我哋介绍各款具人气嘅餐点，帮我哋省去点餐嘅烦恼，全部拣晒佢推介嘅嘢饮嘢食。 💰$178海胆味噌蟹肉意大利面 🍝第一道上嘅系劲多人叫嘅海胆味噌蟹肉意大利面，颜色鲜艳夺目，摆盘精致用心，酱汁香浓幼滑，加上菇菌、海胆、蟹籽同蟹肉，整道意粉鲜味非常，充满奶香。意粉粗幼度同软硬度都恰到好处，挂汁之余唔会过软，配搭各种食材能够增添口感，混入少少紫菜更有和洋风味，绝对系必食嘅招牌菜之一！ 💰$128咖啡烧汁烤猪仔脾 🐖第二款系新品咖啡烧汁烤猪仔脾，如其名系用咖啡调配特制烧汁烤焗猪仔脾，煮法相当新颖！用心摆盘有如艺术品一样，店员推介用手拎住猪仔脾食，更添风味。猪仔脾肉嫩多汁，涂过咖啡烧汁嘅位置味道浓郁，入口先有少许苦味，后劲有丁点甘甜，同猪肉嘅味道出奇哋夹！伴碟
📍太子花园街233-235号伟雄大厦地下A号舖
朋友同佢工作上嘅前辈有日约咗喺太子食晚餐，一行人预先约好去颇受欢迎嘅赏岛咖啡屋，坐低倾吓食吓。虽然地方唔大，但胜在店员有礼，食物好睇又好食，所以我哋都揾咗一晚去撑台脚。
呢晚我哋唔算十分肚饿，望住选择繁多嘅menu，花多眼乱，都唔知拣咩好。店员见我哋毫无头绪，于是向我哋介绍各款具人气嘅餐点，帮我哋省去点餐嘅烦恼，全部拣晒佢推介嘅嘢饮嘢食。
[价钱 Price]
💰$178
海胆味噌蟹肉意大利面 🍝
第一道上嘅系劲多人叫嘅海胆味噌蟹肉意大利面，颜色鲜艳夺目，摆盘精致用心，酱汁香浓幼滑，加上菇菌、海胆、蟹籽同蟹肉，整道意粉鲜味非常，充满奶香。意粉粗幼度同软硬度都恰到好处，挂汁之余唔会过软，配搭各种食材能够增添口感，混入少少紫菜更有和洋风味，绝对系必食嘅招牌菜之一！
[价钱 Price]
💰$128
咖啡烧汁烤猪仔脾 🐖
第二款系新品咖啡烧汁烤猪仔脾，如其名系用咖啡调配特制烧汁烤焗猪仔脾，煮法相当新颖！用心摆盘有如艺术品一样，店员推介用手拎住猪仔脾食，更添风味。猪仔脾肉嫩多汁，涂过咖啡烧汁嘅位置味道浓郁，入口先有少许苦味，后劲有丁点甘甜，同猪肉嘅味道出奇哋夹！
伴碟有烤大啡菇、新鲜沙律菜、薯蓉、少量咖啡粉同粗盐，食材丰富不单调。我哋特别欣赏大啡菇，除咗好香菇味，亦酱汁水锁好锁满，一咬，立即喺口内散发菇香，正！
[价钱 Price]
💰$52
提拉米苏 🍰
甜品拣选Tiramisu，佢嘅蛋糕比例较少，感觉比较轻盈。蛋糕底浸过咖啡后比较湿润，同mousse嘅口感相辅相成。整体充满咖啡味嘅香醇，有份量但不甜腻，令人想一食再食。
[价钱 Price]
💰$45
芝麻拿铁 ☕️
嚟到cafe当然要叫返杯latte，黑芝麻latte最近我都几喜欢，饭后饮返两啖，似足食芝麻糊嘅感觉。佢哋芝麻同奶嘅比例大概4:6，两者味道都好突出，好味道！
张贴
