新哥食館

营业中

休息中

🥢新哥食馆🥢-最近新发现既新开正正小菜店！餐牌唔似一般小菜馆咁有几百款𩠌，主打师傅拿手野，开左冇耐不过次次去都爆满🤭。环境算系几新净，不过预咗比较多人会比较嘈，但系如果成班人嚟聚餐嘅话都好适合。油盐水浸花甲🧄（$108）花甲大大只，食落除左海鲜味，有几重既胡椒味，配埋配料几惹味。避风塘叉烧炒河🌶️（$98）第一次见到呢个菜式嘅时候，冇叫。第二次再嚟食嘅时候觉得好似几特别，就决定试试下佢，首先个河粉真系好有镬气，每条系分明唔会痴埋一旧，食落有孜然味同辣辣地几惹味，出色！新鲜葱油鸡🐔（$218）望到个卖相都知好食！鸡皮好滑而肉又够滑，重点系表面铺满嘅葱油，有青葱同煮过既洋葱，超正！金牌咕噜肉🐷（$108）厨师推荐一定要试佢哋嘅咕噜肉，平心而论，外皮好轻盈，入面偏肥，口感黎讲系做得好好，唔会腻，但系个人觉得调味可以再重手啲，唔够酸甜。薯仔牛柳粒🥔（$108）喱道菜式就周围有，不过大多数做到一般，而喱到竟然做到薯仔真心外面超脆入面够淋，而且再带有蜜椒味，连牛柳粒都沦为配角啦🤭。