新哥食館

营业中

休息中

新哥秘製燒鵝脆飯，即叫即炒，火候十足，炒飯上台時非常乾身，炒飯內有鬆化鴨肉粒，少量菜鋪粒，最重要係口感有「脆」加上剛剛好每啖入口溫度，可以稱得上無懈可擊，建議加埋辣椒醬食。

太子一間好味小菜，想食海鮮可以訂位時早啲講埋，價錢貼地，小菜全部都好夠鑊氣，就連炒飯炒麵都做得好出色，地點又好方便，太子地鐵站行6-8分鐘就到，唔難搵，會再去幫襯

這次去提早預訂位置和菜色，吃完元氣滿滿🈵幸福感爆炸🥰🌟 上湯龍蝦伊面：湯頭鮮美濃郁，伊麵口感彈牙有勁，材料新鮮。需要提前預訂✅🌟 薑蔥鮑魚：鮑魚肉質鮮嫩多汁，入口即化，完美搭配薑和蔥的爆香。記得也是要預訂喔✅🌟 必點！金牌咕嚕肉：與其他餐廳不同的是咕嚕肉表面有一層黃金焦香的糖衣，酸甜口味增加食欲🤤🌟 金銀蛋莧菜：嫩莧菜葉清脆爽口，金銀蛋的煮制也很完美，蛋白蓬鬆，蛋黃滑嫩。🌟 菠蘿生炒骨：與咕嚕肉不同，豬骨肉和酸甜適中的新鮮菠蘿，酸甜鹹香的比例恰到好處。🌟正宗反沙芋：外層有一層厚厚的沙糖衣，內裡則是香甜軟糯的芋頭，滿滿口中濃郁甜味和柔滑質地，是餐廳裡飯後必點的甜點🥰

今次第二嚟食，除咗食招牌菠蘿咕嚕肉之外，仲食左椒鹽九肚魚(不過要提早訂)❤️，大大件之外，仲好脆口，好值得推介食。最後甜品係潮式反沙芋❤️但因為地方比較細，建議大家提早打電話book位，尤其是係星期六日。

星期三天氣寒冷，好友相約太子冬至聚餐。太子夫婦擋小店，招呼殷勤，食物水準不錯。冰鎮生腸粗壯豬生腸沒有上色調味，可知厨師對食材的信心；簡單灼熟，襯上葱絲紅椒放置冰塊上。腸頭長切開四，腸身粗切段，醮上Wasabi 豉油，神奇的爽脆可口，不錯的前菜。招牌碌鵝，鹅掌翼碌鵝和掌翼是分開order的，一樣的味道，不同的口感。鵝肉嫩，掌翼淋滑，果然是出色招牌菜。鵝汁好味，點了粗麵拌鵝汁，灑上葱花吃，妙絕。個人覺得甜些小可能更野味好吃。白灼海中蝦本來預定欖角煎大蝦的，但老闆娘話大蝦不靚，所以改了游水海中蝦，白灼蝦鮮甜爽彈。豉汁蒸白鱔蒸鱔中規中矩，味道可以，但這菜一定是鱔材料決定一切。筍蝦炆豬腩肉以前過年節，媽媽一定炆筍蝦豬肉吃。點這菜是懷舊吃情懷。味道不錯，豬肉炆得夠身，筍乾有咬口。葱油雞用上新鮮雞，價錢當然比大路冰鮮貨高，重雞味，鮮雞雜very good,但胸肉便有點粗柴。臘味糯米飯蒸好糯米飯再配上臘味炒。糯米軟熟，粒粒分明，灑上炸花生，葱粒，好吃。反沙芋頭條芋頭粉糯，可以的總是覺得小店簡單裝修，吃人情味和厨師手藝。這店可以再回來吃。

賣相夠陣容,大腸表面脹卜卜,腸內是鮮色的,夠新鮮,眼目已经享受.老闆夠闊囉,大腸下面放咗多多冰,保持冷度,大腸上面放咗芫茜、薑絲、紫天椒,紅黃綠,色澤很好看.口感超然,咬落去索一聲,好爽,大腸清洗又乾淨,一点怪味也沒有,配話沙b豉油簡直係正正正,

經友人介紹，月內已第三次造訪。今次飯局是一個男士聚會，一行6 人，最愛到處嚐鮮喝甜。選址此店，因為食過兩次，水準深穩定，故相約友人同往。今次朋友收工特地去深水步街市買了南非鮑、大大隻蟶子、大中蝦到店加工，試試其烹海鮮的手勢。安哥一口蠔油炸功夫好, 外皮脆, 珠蠔入面仲係好多汁又鮮嫩。招牌咕嚕肉外皮嘅脆漿做得香脆可口, 咬落卜卜脆, 表面酸甜汁夠甜夠酸, 但又唔過份, 做到解膩嘅效果, 再食返塊菠蘿, 甜甜酸酸同D 酸梅汁互相暉映, 甚滿足。 豉椒炒大蟶子(來料加工 )米粉底豉味香濃, 青紅椒爽口, 夠香夠味, 煎米底脆口帶酥, 加上煮得生剛熟嘅啖啖肉大蟶子, 脆及爽嘅感覺同場出現, 滿足！馬拉盞芥蘭煲揀手芥蘭, 斜切, 加上些少肉末同馬拉盞吊味，鹹香肉香夾雜芥蘭嘅爽甜帶澀，加上熱辣辣嘅煲仔, 同埋留意煲底無多餘水, 食得稱心，平時不太愛食菜的我都要多夾兩著。欖菜美極蝦球中蝦被炸得乾、香、脆，加上欖菜及美極嘅鹹香鮮襯得相當好。蝦殼香脆，加啖啤酒，連嚼帶吞，一下子幹掉4 隻，爽快！鵝掌翼店內有一出品在香港較少見「碌鵝」，此掌翼就是用碌鵝汁去做的，炆得夠淋身，軟滑香濃，宜餸飯。我最喜愛這一味

我未曾遇過一間食店咁樣做生意，本人之前巳至電28/4星期五8位7:30。我下午5點自來海鮮到這店加工，7:30我們8人到齊，店員同我哋講我們留了枱8點，我話如果我訂8點有好多選擇，不需要去你這店，就是你們已確認我們7:30有枱。誰不知你為了你的客人或做多輪生意，已將我的訂位給了他們。直至到在場承諾8點前俾枱我們，又將4人枱叫我們可坐8人，過了8點都没有枱結賬。不知所謂，完全得罪客人。最後我們取回海鮮去其他店。我和朋友8人對這次體驗非常勞氣和不愉快。*我嘅海鮮由5點放到8點，唔知佢哋有無放雪櫃😣

🥢新哥食館🥢-最近新發現既新開正正小菜店！餐牌唔似一般小菜館咁有幾百款餸，主打師傅拿手野，開左冇耐不過次次去都爆滿🤭。環境算係幾新淨，不過預咗比較多人會比較嘈，但係如果成班人嚟聚餐嘅話都好適合。油鹽水浸花甲🧄（$108）花甲大大隻，食落除左海鮮味，有幾重既胡椒味，配埋配料幾惹味。避風塘叉燒炒河🌶️（$98）第一次見到呢個菜式嘅時候，冇叫。第二次再嚟食嘅時候覺得好似幾特別，就決定試試下佢，首先個河粉真係好有鑊氣，每條係分明唔會痴埋一舊，食落有孜然味同辣辣地幾惹味，出色！新鮮葱油雞🐔（$218）望到個賣相都知好食！雞皮好滑而肉又夠滑，重點係表面鋪滿嘅蔥油，有青葱同煮過既洋蔥，超正！金牌咕嚕肉🐷（$108）廚師推薦一定要試佢哋嘅咕嚕肉，平心而論，外皮好輕盈，入面偏肥，口感黎講係做得好好，唔會膩，但係個人覺得調味可以再重手啲，唔夠酸甜。薯仔牛柳粒🥔（$108）喱道菜式就周圍有，不過大多數做到一般，而喱到竟然做到薯仔真心外面超脆入面夠淋，而且再帶有蜜椒味，連牛柳粒都淪為配角啦🤭。

每次好友聚會想食鑊氣大排檔都首選呢度, 好多招牌經典菜式, 咕嚕肉, 鐵板蜜椒薯仔牛肉粒, 碌鵝, 反沙芋等等…今次想食海鮮, 提前兩日同老闆預訂海鮮, 老闆新哥烹製海鮮都一樣咁正

我從來都係冇寫過食評，但呢間飯店，我真係忍唔住，明明食物質素好但一個疑似老闆娘嘅人態度真係非常有問題，我覺得要俾大家甚至乎係佢自己知道，希望佢睇到。其他太詳細嘅唔講，我落單嘅時候已經覺得佢嘅態度麻麻哋，因為當時環境好嘈雜，佢又聽得唔係好清楚，但係佢又唔行近我果邊，淨係一副唔耐煩嘅樣，都算；跟住我講晒我要嘅嘢之後我見佢好似唔打算覆單，咁我就問佢係咪總共11樣嘢，跟住佢就答我：「我未數喎」我當時已經打咗個突，我心諗，你寫完米數囉，跟住10秒之後佢已經寫完即刻走咗，如果冇錯嘅我都算，最後結果真係漏咗單，同佢講返嘅時候佢仲理直氣壯話我冇叫…. 一句講完：冇下次

- $108 Encore 左兩碟的金牌咕嚕肉粉漿炸到脆卜卜，即使沾上左糖醋汁都無變淋！汁調味適中不會太甜太酸，用左梅頭肉肉質軟淋又大舊 送飯一流🤣- $198醬油碌鵝 （下裝）第一次食「碌鵝」，好有驚喜有上裝下裝分 今次我地叫左下裝 有脾食加左秘製醬汁蒸出黎嘅鵝肉熱辣辣好軟身 好好味- $108 必食蜜椒薯仔牛柳粒好重黑椒味 夾帶住微微蜜糖嘅甜味 用鐵板jer jer 聲咁上菜重中之重嘅薯仔睇得出有炸過好香口 牛柳粒好入味好有咬口環境光猛乾淨企理 老板娘好客氣招呼周到 岩哂成日朋友黎飯聚啤啤佢🤣 星期五晚上黎食，7 8點左右已經開始多人 建議可以預先打電話留定位🤣

經同事推薦呢間大排檔啲菠蘿咕嚕肉好好食，而我個人每次食大排檔就一定會叫菠蘿咕嚕肉，所以就約埋成班同事去！由於店舖嘅枱唔係太多，建議星期五六日最好打電話去book位，walk in 嘅話，好大機會會冇位，所以強烈建議打電話book 位。一共叫左8個餸，當中覺得值得推薦嘅話菠蘿咕嚕肉，薯仔牛柳粒同綠豆爽清心丸。菠蘿咕嚕肉:個皮非常脆口，而且個肉好嫩口，好好食薯仔牛柳粒:由於我唔食牛，只食薯仔，個薯仔嘅皮好脆口，黑椒味都幾重綠豆爽清心丸:成個窩咁大，可以6-7個人食足一碗，而且又唔係好甜，甜度岩岩好，同埋啲清心丸好爽口彈牙

同班朋友喺太子搵餐廳食飯 ，見到呢間餐牌寫住金牌咕嚕肉就行咗入去個咕嚕肉幾有水準，皮脆肉嫩，但令我更加驚喜嘅係佢個醬油碌鵝， 味道各方面都不輸金牌咕嚕肉 個個都話好食！下次黎一定會再嗌 

冬大過年，知道新哥食館重新開業，即刻訂檯同屋企人嚟食冬至飯，晚市例必爆場記得早啲訂位。今日提前同老闆講定食海鮮，因為屋企人鍾意食脆米泡飯，就請老闆特別準備個龍蝦肉脆米泡飯，湯底用老雞熬製，加上龍蝦拆肉，啖啖鮮味。老闆都話打算寫上菜單。除咗龍蝦，我地仲叫左蟶子，蟶子隻隻手掌咁大，蒜蓉粉絲蒸又得，豉汁炒又得，每隻都鮮甜美味。另外仲有蒜蓉蒸開邊蝦，同埋椒鹽鮮魷。嚟到新哥一定要食金牌咕嚕肉，佢個脆漿真係整得非常出色，個汁啲調味又剛剛好，必食推介因為做節，特登介叫左隻新鮮炸子雞，啲皮脆卜卜但啲雞仲係好juicy唔會乾甜品當然要食綠豆爽清心丸，因為冬至所以加左湯丸，食到每個人都捧住個肚走