影片
更多
2017-10-19
962 浏览
每次一提起太子，相信大家第一时间一定会联想到花墟，不过其实除咗「花」之外，太子都有唔少美食。早几日睇 TVB 揾食饭团，得知花园街开咗间台式虾煲专门店「虾栈」。据说店里的虾煲，源自台湾，全部用上大头虾入馔，而当中最常见的款式，就包括有胡椒虾、奶油虾等。由于未尝过大头虾煲，所以这晚下班后就特意过来一试。拉开趟门，店内地方细小，分成两个用餐区，近门口处设有三数张四人台。再往内走，入面空间不大，座位打直排开，以二人方桌为主，感觉有点逼狭。见时间尚早，店里食客不多，立即拣个靠墙嘅单边位坐下来。翻开折页式嘅餐牌，有虾类、肉类、饭面类、小食、锅物、时蔬、甜品、饮品及特饮，选择唔算特别丰富，不过虾煲就有成 10 款，除了先前提过嘅胡椒虾、奶油虾外，仲有柠檬辣虾、麻油虾、椒盐虾、三杯虾、酸辣虾、盐焗虾，同埋两款专为香港人而设嘅避风塘虾和咸蛋黄虾。既然一心为吃虾煲而来，当然要先点个大头虾煲，再加几款台式小菜。趁虾煲未到，先去近门口嘅养虾缸细看，只只虾都活生生，而且即捞即煮，未食已先兴奋。马上开餐，先来一客港式限定嘅咸蛋黄虾煲 ($208)，煲内共有 8 只大头虾，只只虾都大大只，外层虾壳沾满咸蛋黄蓉，卖
每次一提起太子，相信大家第一时间一定会联想到花墟，不过其实除咗「花」之外，太子都有唔少美食。早几日睇 TVB 揾食饭团，得知花园街开咗间台式虾煲专门店「虾栈」。据说店里的虾煲，源自台湾，全部用上大头虾入馔，而当中最常见的款式，就包括有胡椒虾、奶油虾等。由于未尝过大头虾煲，所以这晚下班后就特意过来一试。
拉开趟门，店内地方细小，分成两个用餐区，近门口处设有三数张四人台。再往内走，入面空间不大，座位打直排开，以二人方桌为主，感觉有点逼狭。见时间尚早，店里食客不多，立即拣个靠墙嘅单边位坐下来。
翻开折页式嘅餐牌，有虾类、肉类、饭面类、小食、锅物、时蔬、甜品、饮品及特饮，选择唔算特别丰富，不过虾煲就有成 10 款，除了先前提过嘅胡椒虾、奶油虾外，仲有柠檬辣虾、麻油虾、椒盐虾、三杯虾、酸辣虾、盐焗虾，同埋两款专为香港人而设嘅避风塘虾和咸蛋黄虾。既然一心为吃虾煲而来，当然要先点个大头虾煲，再加几款台式小菜。
趁虾煲未到，先去近门口嘅养虾缸细看，只只虾都活生生，而且即捞即煮，未食已先兴奋。
马上开餐，先来一客港式限定嘅咸蛋黄虾煲 ($208)，煲内共有 8 只大头虾，只只虾都大大只，外层虾壳沾满咸蛋黄蓉，卖相好吸引。先尝虾头，虾膏劲澎湃，入口丰腴浓惹，甘香无可匹敌，简直是邪恶到极点。剥开虾壳，虾只厚肉得来又够晒爽身，咬下啖啖肉，再舀起煲底嘅咸蛋黄粒伴吃，入口咸香味浓，色香味俱全，令人忍不住食完一只再接一只。
接著是一道台式香肠 ($88)，有墨鱼肠和猪肉肠两款，前者以墨鱼汁和墨鱼切粒制成，卖相漆黑，味道保留了墨鱼的鲜甜；而后者猪肉肠就肥瘦适中，入口味道香浓，肉汁丰盈，以蒜片夹著一起吃，有种很丰富的甜美味道。
之后是一口炸豆腐 ($68)，豆腐以长碟盛上，Size 比预期大，而且上台时还附有海鲜酱。挟起咬下，外皮酥脆，不过入面嘅口感就唔算滑溜，反而带点烟烟韧韧，沾海鲜酱同吃，酸甜开胃。
鲁肉饭 ($58)，鲁肉呈亮丽焦糖色，入口酱油味不过分，而且肥瘦比例均匀，食落甘香不腻。面头的卤蛋，蛋黄够绵软，蛋白亦卤得有点硬度咬头，配上爽脆嘅日式腌萝卜和饱满嘅饭粒吃，水准不俗。
压尾拣个菜来平衡一吓，这一客是小丁香油麦菜 ($78)，油麦菜份量中等，菜叶油亮翠绿，口感爽脆，味道清甜；而丁鱼干就清香不过咸，微微甘甜，每条都烟韧有嚼劲。
饮品选了菠萝梳打 ($38)，梳打入口非常冰凉，而且甜度不高，加上杯边嘅菠萝大大片，既饮得又食得，够晒清爽。
甜品拣咗南瓜雪糕 ($68)，南瓜雪糕以原只南瓜盛著，外形的的骰骰，卖相超吸引。用匙舀起，有好浓嘅南瓜味，而且口感非常滑溜，入口有奶香，为这顿晚餐划上一个美满嘅 Ending。
张贴
