Cafe Paradise (砵蘭街) (已結業)

是晚约咗屋企人打边炉做节，所以做完运动后就决定求其揾间Cafe轻食。Cafe Paradise喺正太子地铁站D岀口隔离，因为食完之后仲要赶住去买平羽绒，所以我哋餐牌都冇睇就冲左入去😂 又好彩无中伏👏简简单单叫咗三样食物，当中最有惊喜嘅系Paradise Jumbo😜呢份All day breakfast非常足料！一上枱已经俾个份量吓亲，五颜六色未食落口已经哗一声，感觉好开心🥳 西冷牛扒、炒蛋、炒杂菇、焗蕃茄等等....你讲得出嘅配搭都唔会缺少！有啲怀疑一个人真系食得晒？跟餐加钱叫咗杯玫瑰鲜奶咖啡，卖相啱晒我影相呃like，饮落淡淡玫瑰味令人感觉好舒服🎣其次我哋仲order咗美式水牛城鸡翼！酱汁酸甜带有微辣，炸后嘅鸡中翼肉质依然好嫩滑，保留肉汁，好味道！👏👏最后仲叫咗客黑松露意大利肉馅云吞☺️男朋友话佢细个好钟意食！黑松露酱绝对冇偷工减料，食落唔会太漏，而且件数都唔少！星期日快食早餐x午餐x下午茶，几餐group埋食到捧住个肚走！地方就脚、价钱亦都非常合理❤️