影片
更多
2024-08-20
928 浏览
竹面谱今次要介绍喺太子一间价钱好亲民嘅小店叫「竹面谱」，最近佢哋做紧一周年大优惠，全单88折优惠，唔洗帮衬满几多都有88折优惠，可能系平绝太子！呢间小店门口都有一级，好彩我自备咗一块斜板，入到去虽然见到小店店舖细细，卡位占居多，好彩都有一张可移动式嘅枱，不过又系要小心「菠萝盖」，依家好多餐厅都钟意买枱底好厚可以放餐具，呢种枱其实对轮椅人士有少少不方便，埋到枱之后紧系望餐牌，基本上好多饭𩠌都平过大x乐好多，最吸引我就系梦王顶级A5和牛饭，仲系由鹿儿岛直送紧系叫啦！1.梦王顶级A5和牛(鹿儿岛直送）$68+冻菜蜜$10（10/10）呢个梦王顶级A5和牛饭个和牛系由鹿儿岛直送，店员话呢个系餐厅招牌菜，每日都会有好多人叫，碗饭面上铺满6大顶级A5和牛，每天和牛非常嫩滑唔干身，再配一只温泉蛋，份量非常多，超满足！饮品方面加$10叫咗冻菜蜜，甜度甜咗少少！2.葱油香煎鸡扒孖蛋饭（煎蛋）$39+热奶茶$6（9/10）呢个葱油香煎鸡扒孖蛋饭个鸡扒好香脆，大件到好似成人手掌咁大，仲有两只煎蛋，$39呢个价钱真系好难食到！饮品方面加$6叫咗热奶茶，奶滑茶香，好好饮！3.脆炸鲜奶卷（4件）$28（10/10
今次要介绍喺太子一间价钱好亲民嘅小店叫「竹面谱」，最近佢哋做紧一周年大优惠，全单88折优惠，唔洗帮衬满几多都有88折优惠，可能系平绝太子！
呢间小店门口都有一级，好彩我自备咗一块斜板，入到去虽然见到小店店舖细细，卡位占居多，好彩都有一张可移动式嘅枱，不过又系要小心「菠萝盖」，依家好多餐厅都钟意买枱底好厚可以放餐具，呢种枱其实对轮椅人士有少少不方便，埋到枱之后紧系望餐牌，基本上好多饭𩠌都平过大x乐好多，最吸引我就系梦王顶级A5和牛饭，仲系由鹿儿岛直送紧系叫啦！
1.梦王顶级A5和牛(鹿儿岛直送）$68+冻菜蜜$10（10/10）
呢个梦王顶级A5和牛饭个和牛系由鹿儿岛直送，店员话呢个系餐厅招牌菜，每日都会有好多人叫，碗饭面上铺满6大顶级A5和牛，每天和牛非常嫩滑唔干身，再配一只温泉蛋，份量非常多，超满足！
饮品方面加$10叫咗冻菜蜜，甜度甜咗少少！
2.葱油香煎鸡扒孖蛋饭（煎蛋）$39+热奶茶$6（9/10）
呢个葱油香煎鸡扒孖蛋饭个鸡扒好香脆，大件到好似成人手掌咁大，仲有两只煎蛋，$39呢个价钱真系好难食到！
饮品方面加$6叫咗热奶茶，奶滑茶香，好好饮！
3.脆炸鲜奶卷（4件）$28（10/10）
小食就叫咗脆炸鲜奶卷，一咬落去好香脆，之后鲜奶就慢慢流出嚟，奶味香浓，必叫之选之一！
4.炸墨鱼饼（3粒）+炸蚬蚧鲮鱼球（3粒）$42（泰式甜酸酱）（10/10）
小食再叫咗双拼，3粒炸墨鱼饼同3粒炸鲮鱼球，墨鱼饼入面墨鱼胶非常多，外面煎得好脆，至于炸鲮鱼球非常大粒，可以形容为大过乒乓波，入面鲮鱼胶超多，连细骨都无，对于鲮鱼球我有一种恐惧，以前喺稻x食鲮鱼球哽骨，最后要入急症室拎返条骨出嚟，太有心理阴影吧！
5.炸花枝丸（6粒）（沙律酱）$42（10/10）
呢个炸花之丸都好大粒，其实系炸墨鱼丸，炸到外皮好脆，原来点沙律酱都几好食！
2人总共价钱$235，88折优惠后$207
个人口味总评分：9.8/10
@cheukminpo
地址：太子荔枝角道68号地舖
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#竹面谱 #太子 #太子好去处 #太子美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
