The Steakhaus

营业中

休息中

就算太子行街你都未必会留意到佢，只有抢眼红色光管，望一望里面，一副怀旧的格局，揾到佢都算系误打误撞。呢度既枱枱凳凳都有时光倒流的感觉，不过餐牌上嘅食物又未算好怀旧，锯扒，意粉，薄饼，又Cocktail，又手工啤，样样都有啲。西班牙油炸鬼 $58西班牙油炸鬼都算系今晚高潮位，将朱古力酱倒落去，沾一沾雪糕，香脆，冷热，有甜味，无得输。Baileys Black Sugar Milk $78以为几重酒味，点知黑糖味劲抢，正合我意。黑松露和帕玛森起司炸薯条 $48芝士碎还好，满满的。黑松露酱另上，仲有沙律酱垫底，味道够晒丰富。安格斯 Prime 西冷 $118呢个价钱有呢个质素，应该冇咩好投诉。几嫩口，仲搭埋大大旧蒜比你食，性价比之选。水牛芝士蕃茄罗勒阔条面 $108蕃茄个味好fresh，配埋水牛芝士，阔条面就可以挂满酱汁，食得开胃。奶油蒜蓉虾 $58充满奶油香，惊喜地带辣，好滋味。蟹膏蟹饼 $78蟹饼厚厚实实，中间椒粒微辣，底下有蟹膏，蟹香味浓。