The Steakhaus

营业中

休息中

呢間steakhouse對於成日用地鐵代步的我來說唔算好就腳， 但經過今次 用餐， 我覺得我會再來！M9和牛牛內裙配薯條及沙律首先介紹這款blue monday 推介的M9和牛牛內裙, 這部分相信在其他餐廳非常少見, 但少見並不等於不好， 牛內裙有獨特的裙邊口感， 帶點肉的爽口易咬， 同時牛肉味濃， 好介紹。 豬仔骨 可以選擇四支或者八支骨的， 結果來到真的大大件， 肉質軟淋入味帶點油脂， 雖然得兩個人但都有少少後悔唔叫八支， 配菜的小黃瓜不會過鹹，夾肉吃很清新醒胃。黑松露和帕泊瑪森起司炸薯條薯條一等一的香脆可口 ，看得出時整個薯仔切條而成。靈魂當然是提供的松露醬， 香味直接攻入口腔鼻孔， 松露fans必選。西班牙油炸鬼食完甜品更加覺得這間餐廳的全面， 這份甜品質素絕對已經可以成為一間甜品舖的生招牌， 油炸鬼做到那種香脆得來煙韌 的質感， 配搭極濃朱古力雪糕， 冷熱交融實在美味。 百利甜黑糖奶 屬於cocktail的一款， 酒味唔算濃烈， 但Bailey 夾雜黑糖和奶的香味中和出一杯軟滑順喉的甜奶酒， 喝極都唔厭！

隱藏太子一角格調西餐廳 好耐冇食過西餐 於是嚟到太子搵到一間充滿格調橙色做主題的西餐廳 環境佈置充滿一點懷舊感🫶🏾 有一種花樣年華嘅感覺 先講一講飲品百利甜黑糖奶 百利酒本身自自己喜愛 加入黑糖淡奶令到飲品變成一杯黑糖奶茶一樣，帶點百利酒嘅味道鐵觀音奶茶配咖啡凍 鐵觀音茶底 已經另外一隻夠香濃 加入咖啡凍 令到佢變成中西合璧嘅鴛鴦一樣食物陸續登場啖啖蟹膏蟹餅 完全配合到個名 切開內層啖淡蟹肉 外層炸得脆脆的好香口 好豐富滿滿蜆肉蝴蝶粉 蜆肉滿佈在蝴蝶粉之上 蜆肉飽滿 食完一隻又一隻 芝士白汁，做得好出色 食得出帶點辣味蝴蝶粉朔晒芝士白汁 非常入味👍安格斯Prime 牛骨肉眼 15安士配沙律 這頓飯嘅重頭戲 牛扒份量十足 叫咗七成熟 餐廳烹調牛扒技術做得剛剛好 啖啖肉口味好濃 亦好腍身每一餐飯一定要有甜品先至圓滿提拉米蘇 晚上相當吸引 餅層濕潤到剛好 奶油好香滑加上咖啡粉嘅香濃 配合得非常好座位舒服，裝修細緻絕對係一個食飯嘅好地方

位於太子的小店，平日晚上都有很多客人，裝修型格特別。黑毛豬鞍架 配火腿脆片及紅酒蘋果檸檬鹹蛋黃不單止擺盤吸引，口味還好獨特。蘋果片是紅酒的顏色，味道清香很濃酒味。黑毛豬成熟程度剛好，脂肪的邊緣煎簽得很朝香，配合鹹蛋黃酸酸鹹鹹，層次感豐富。鐵板油泡黑安格斯封門柳扒120z配酸種麵包有專人鐵板煎牛扒炸炸聲好治癒，份量大得驚人，5成熟嫩粉色既厚切封門柳同酸種面包最後淋上橄欖油，即刻「靚仔晒」。麵包熱辣辣脆卜卜，沾上橄欖油更邪惡，肉質好嫩滑，雖然生熟程度不高，但係完全無靭口，啖啖肉牛味濃，食肉獸之選！滿滿蜆肉蝴蝶粉蜆肉份量非常多，多過蝴蝶粉。蜆肉粒粒都飽滿鮮味，最欣賞就係芝士白汁底非常濃郁，辣辣甜甜的很惹味！香草羊架 （3支骨） 配脆薄荷葉愛吃羊的朋友，尤其是喜歡羊臊味的非常推介。看似粉紅顏色，好像生的一樣，但不是血淋淋的，冇腥味而是有微微的羊臊味，肉質鮮嫩。特別喜歡他的薄荷葉和醬，偏甜少少不會過分薄荷而搶去羊嘅味道，剛好能減少油膩感。西班牙油炸鬼在別的餐廳吃過這甜品，對比steakhaus的，steahhaus做的是更出色。油炸鬼新鮮炸起，有好濃郁嘅黑糖和玉桂味。甜而不膩，點上有一點忌廉芝士

打工仔係七月同八月特別慘, 基本上完全冇紅日,諗起鬼都有個鬼節休息一個月, 但打工仔就完全冇,心都灰埋,所以星期一就梗係約朋友出街食飯, 排解下心情入面既裝修有D似九十年代既感覺, 成個感覺唔錯, 令人幾放鬆, 幾岩傾計Blue Monday Steak-$158一坐底就比個餐牌, 睇到一個主打BLUE MONDAY既牛扒, 真係好切合到我既心情。但叫左之後, 發現D個牛扒又真係性價比好高, 牛扒牛味幾濃, 外脆內軟, 而且配菜係薯條, 唔錯無花果火腿PIZZA-$128無花果與火腿交織出迷人的甜鹹綜合,Pizza 餅底薄脆可口,料多實在,完美平衡各種口感,整體而言是一款非常美味的 Pizza 佳作。啖啖蟹膏蟹餅-$78蟹膏爽滑鮮甜,蟹餅外酥內嫩,入口即化，配料豐富多様，每一口都飽富蟹肉鮮味，極盡奢華海鮮之美。提拉米蘇-$58提拉米蘇層次豐富,餅底濕潤綿密,奶油香醇滑順,咖啡香氣迷人,甜度適中,層次感強,堪稱經典意式甜品無疑。朱古力(熱)-$38濃郁朱古力香氣撲鼻而來,入口即化的絲滑質感,溫度恰到好處,暖暖的口感格外舒適怡人,堪稱冬日最佳暖心飲品。百利甜黑糖奶-$78Baileys香醇

係太子放工，想食西餐～行行吓就見到呢間扒房，好似幾有格調✨一於入去試吓🤝🏻🛎 $98 香草羊架配脆薄荷葉 呢道香草羊架真係令人驚喜💓羊肉外焦內嫩，薄荷葉既提升了羊肉嘅風味，同時有種清新感覺，正！🍖🌿🛎 $168 M9和牛牛內裙配蘆筍 原來8oz都勁大份😳第一次食和牛牛內裙～肉質都好嫩滑，牛味勁香🤩🤩🤩搭配新鮮蘆筍，好味得黎又打卡一流🥩🥬🛎 $108 水牛芝士番茄羅勒闊條麵 芝士味超濃郁，闊條麵又勁掛汁😋仲有蕃茄酸酸地，食落唔會覺得油膩！🍝🧀🛎 $78 成人水果茶 入邊有大量龍眼同埋菠蘿，酒味唔會好重，好啱女仔飲🍹🍊🛎 $38 抹茶拿鐵 🛎 $58 提拉米蘇

今日同朋友慶祝生日，去咗一間位於太子道西的西餐廳。環境佈置好有格調，氣氛柔和。成人水果酒比起我哋飲開的水果茶，橙味重一點，因為加咗酒精所以為之成人版，酸酸甜甜，口感豐富。Blue Monday SteakM9和牛牛內裙（8oz）配薯條及沙律菜可能係星期一Special, 叫左試吓。性價比高，肉本身質素高，肉質鮮嫩，呈粉紅色，能保持肉汁。伴碟的沙律菜新鮮，薯條剛剛炸起，超讚。豬仔骨（4支骨）配酸黄瓜豬仔骨燒得岩岩好，少許焦香，豬仔骨肉質嫩滑，充滿肉汁。啖啖肉唔會得條骨，加了蜜糖和燒汁份外野味。滿滿蜆肉蝴蝶粉分量十足，蜆肉多，好鮮味，有少許辣。西班牙油炸鬼是西班牙有名的甜品，油炸鬼炸得鬆脆，唔會覺得肥膩，配上近期大熱的開心果味雪糕，好味。朱古力布朗尼配雪糕布朗尼朱古力味濃郁，同樣配上開心果雪糕，雪糕和布朗尼的味道互相中和。朱古力fans必點。

今晚喺OpenRice 即日book枱食 一入去個店員已經黑緊面 坐低碟又未收枱又未抹落單QR code menu乜都冇 叫佢俾QR code我直接掉過嚟 全部嘢都係叫先有 今晚加一你俾返我？前菜上到嚟 青瓜加麵包😅，兩碟主菜，一嚿豬一嚿牛 零配菜 女仔都唔夠食 ，塊西冷嘅鹽好似唔使錢咁 咸到係咁飲水 舊豬白烚咁款 食完主菜催咗幾次先肯上嘢飲😊而家未食甜品已經打緊劣評 甜品都催咗幾次 嘢飲都仲係仲差一杯 仲未知幾時嚟😅二人餐$600自己煮好過 食到好嬲 服務態度差到極點 有幾枱客都投訴 唔明白點解咁多好評😅

見到門口裝修幾特別，所以就入試下～裡面環境很有格調，氣氛很好，打卡一流。最鍾意就係佢嘅地磚設計！！Set lunch都有幾多選擇：芝士+沙律、牛扒、鐵板豬鞍牛／肩胛、意粉、煎三文魚、All day breakfast、French toast...仲有多款小食揀tim♡♡烤牛扒芝士三文治配綠色小沙律牛扒夠厚、芝士有拉絲食物有質素，即叫即做不過細份咗啲，有啲唔夠喉...下次可以再嚟試下其他野食可以約多幾個朋友仔叫多試下甜品

平安夜諗住來食西餐，見評價唔錯來試下。撇除食物，餐廳環境不俗，坐得都舒服，而上菜速度同服務則有進步空間因為平安夜，所以餐牌都set死得一個前菜係牛油果青瓜，點知係辣既，感覺味道有點似中菜既涼拌青瓜，黑糖包就不過不失主菜有3款，豬牛羊，我地都係叫牛扒，味道幾好，係扒有點乾身，亦偏油，整體都還好。而餐飲我地食主菜時仲未送到，我地催左後超過十分鐘先上倒，主菜都食完了最後甜品我地揀brownie，食完叫佢上都等左超過廿分鐘先來得一份，仲要d雪榚係圖咁溶住上，最後都唔等第二份就埋單離開了

Openrice 訂咗平安夜8:30pm, 兩日前仲好貼心WhatsApp send咗個聖誕餐牌，詢問想睇埋其他餐牌就冇回應；當天準時到達，入餐廳睇見有四個人餐廳裏面等緊，同一個女職員講約咗8:30pm 七位，佢講咗句：等一陣，然後再冇理到；我哋企埋一邊等咗5分鐘，再有新客入；見唔對路，直接去收銀台同個男職員 show openrice 訂枱QR code, 佢回應，我知道啊，好快好快；5分鐘內上咗1樓入座，環境座位舒服嘅；QR code 落單，除咗聖誕餐，全部售罄；其實睇食評都想試吓其他嘢，但anyway, 唔緊要，平安夜梗係食聖誕餐（二人餐$598 再另加一）我哋叫咗三份二人餐；落咗單足足等咗45分鐘，終於上咗一分前菜：黑沙麵包，青瓜，牛油果沙律配焦糖合桃，個名真係好好聽，事實係早餐嘅多士有煉奶喺面，然後係勁辣嘅辣椒配青瓜連醬汁，牛油果只有一小塊仲要係生嘅，焦糖合桃唔知喺邊；有老有嫩食唔到辣，同個男職員講，佢話轉沙律菜，最後冇咗回事，追咗一轉上咗一碟得四五片葉嘅沙律菜；等超過一個鐘，終於上第一份牛扒，係茶餐廳牛扒飯嘅薄牛扒，味道還可以的，但完全不似預期；另一味黑毛豬安架配火腿脆片紅

一開始入去明明book咗位都要等一段時間先入到去都算啦。上菜勁慢，唔明點解一杯綠茶一杯酒，綠茶都算啦，酒明明係可以倒完就上到嘅嘢都可以搞到食完第一道甜品先上到。最重要嘅係book完喺食嗰日嘅晏晝話有會推出聖誕特別Menu，二人set598，仲以為係話聖誕有多個set提供，點知嚟到先知係全場都淨係可以嗌呢個set😅😅😅勁局你硬食，連再book其他店嘅可能性都唔俾你。肉嘅質素唔好都算，個甜品又係街邊檔水準，勁唔值呢個價

朋友今次帶我去位於太子的The Steakhaus食扒、飲杯酒，位置有點隱蔽，平時好少經過這裡。餐廳內裡的裝潢擺設以啡及橙色為主，帶點懷舊溫暖的感覺。有扒類、意粉、小食等選擇，也有不少特色飲品。精緻的酒杯盛載著成人水果茶 $78，表面泡沫豐盈，酒精好少易入口，水果茶香甜解渴，配之後點的牛扒、意粉味道很夾，內裡有多粒荔枝及菠蘿肉，好豐富。滿滿蜆肉蝴蝶粉 $118蜆肉佔了半隻碟好豐盛，蜆肉鮮味無沙，蝴蝶粉少許煙韌，醬汁是香辣忌廉汁幾惹味。安格斯Prime有骨肉眼 15oz配沙律 $258肉眼扒煎得金黃色相當吸引另加奶油蒜蓉蝦 $58，份量不少，蝦肉新鮮彈牙可口，濃濃的蒜蓉味好美味。肉眼大約五成熟，煎得外面脆邊，有牛肉香味，質地夠腍。

年輕之感覺，美式感滿滿牛扒店，門外是美式扒房，內面是新派之裝飾，光影氣氛有復古味道，懷舊有情調！黑松露薯條薯條脆口，外面酥脆，裡面軟軟有薯香，帶點咸味，配香濃之黑松露醬牛肩胛扒懷舊感之皮沙發，格子地磚和黃燈照明，感受到七八十年代的電影情懷。這軟嫩牛肉，豐郁優質 ，完美地用傳統方法香煎，濃香的香味水牛芝士番茄羅勒闊條面番茄醬汁酸酸甜甜的，面條軟硬適中，而且有掛汁，非常棒安格斯Prime西冷配烤大蒜牛扒七成熟肉質軟腍，牛味十足，滿滿肉汁。黑椒調味出香氣，牛油蒜蓉。配菜香口。半隻芝士龍蝦芝士龍蝦，邪惡拉絲，滿足，不會失望的百利甜黑糖奶賣相精緻，結合了香濃甜酒，奶味滿滿牛奶和甜甜黑糖，香滑奶味，淡淡酒香，易入口。

今日同朋友到太子食飯，去餐不需要等位就可以入座 。我們叫了黑毛豬鞍架配火腿脆片及紅酒蘋果再追加煎帶子、香草羊架（3支骨）配脆薄荷葉、水牛芝士番茄羅勒闊條麵和啖啖蟹膏蟹餅，另外叫一份甜品提拉米蘇和飲品百利甜酒黑糖奶 。首先，黑毛豬鞍架配火腿脆片及紅酒蘋果，豬肉的鮮嫩與火腿的鹹香完美結合，搭配紅酒蘋果的微酸，讓整道菜的層次感更加豐富。接下來的煎帶子，外焦內嫩，帶子本身的海味與香草的清香交織，讓人感受到海洋的氣息。而香草羊架（3支骨）則是另一道必試的招牌菜，羊肉的鮮美與脆薄荷葉的清新相得益彰 。水牛芝士番茄羅勒闊條麵的口感滑順，芝士的濃郁與番茄的酸甜形成絕妙的平衡，讓人感受到意大利的風情。而啖啖蟹膏蟹餅則是驚喜的存在，蟹膏的香濃與餅的酥脆形成完美的對比，讓人一試成主顧。甜品方面，提拉米蘇的綿密口感與百利甜酒黑糖奶的奶香甜搭配，為這頓豐盛的晚餐畫上完美的句號。整體而言，這家餐廳的食材新鮮，烹調技術精湛 。

同朋友最鍾意呢就係食牛、但係要食到一間好高質素嘅燒牛都唔容易，因為除咗軟熟都要啱啱好之外、仲要有蛋滑嘅效果咁樣嘅牛先係最好食！牛嘅位置我比較鍾意食牛肩胛，同埋封門柳，呢兩個肉質嘅部位都係比較靚同埋挺身！食落去會好有飽肚感！朋友介紹我喺呢一間度食過牛嘅質素除咗高之外，仲可以加錢配埋支牛油雪茄、牛油雪茄可以搽落啲牛肉到、令到牛肉嘅層次更加香鮮！當然唔少得佢食完個焗蒜都係好好食、蒜蓉粒非常誘惑！再配合牛肉簡直係最佳拍檔！當然佢隔離嗰個配菜亦都係好出色就係奶油蝦、醬汁超香、淨係露出蝦肉身，大啖大啖咬都係蝦肉！真係好正好creamy!食咗肉想清下腸胃驚你不妨叫香鮮芒果蟹肉拼牛油果他他、除咗係一個解油膩同埋開胃嘅菜之外、食落去口感好清新！加上呢個份量呢個價錢我覺得係好抵食！最後當然唔少得就係佢嘅Cocktail，最鍾意就係莫吉托、仲要係青蘋果味道層次清香！甜品就一定唔可以錯過朱古力Brownie再加雪糕！呢個甜品我比滿分分兩袋大啲Brownie整得好出色　！The steakhous太子旺角道91至91 A地舖