宮葉 パフェ (已結業)

星期日晏昼又去太子做金鱼佬。 其实系金鱼街揾野食有好多选择，附近有大量好好食既茶餐厅或港式冰室。 不过黎左咁多次，今次老婆话想食唔同既野。 泊低架车，咁岩见到对面有间装修雅致既日本餐厅，又多人。就拣呢间。 门口都有几个人等位，不过餐厅职员安排适宜，好快就有位。 餐牌都多选择，主要分为拉面，饭，小食，甜品同水果茶。我地叫左猪扒拉面，滑蛋猪扒饭加杯荔枝士多啤梨水果茶。 炸猪扒同拉面分开放，猪扒买相不错，厚身金黄。 炸粉有点厚，但还好，整体味道不错。 拉面系猪骨汤底，面质弹牙，面里配菜还算齐备。 滑蛋猪扒饭，蛋质不错，没有煮太老。份量足够，都几抵食。 加8 蚊有水果茶。水果茶真材实料，杯里1/3 都是水果，味道清新。 下午茶甜品8折。但今次太饱，下次再黎试先。